餃餃餃子 (已結業)

日式餃子相信好多人都鍾意食，而今次去咗屋企附近呢間餃子店真係唔錯，款式多不在話而且味道亦出色，同朋友一齊食餃子飲啤酒真係唔錯嘅選擇。店內就好似日本居酒屋一樣。餐牌有多款餃子選擇，真係花多眼亂。招牌餃子Chao Chao餃子餃子比一般餃子細且皮薄多汁，可以一次過四隻一齊食，沾上佢個餃子汁更加無得輸。蟹肉海老特長豪華餃子捧180mm長條型餃子真係好小地方有，內裡更有大量蟹肉同鮮蝦，加埋沙律醬真係唔錯。海老餃子餃子內有飽滿蝦肉，只需沾少量海鹽已經夠晒鮮味。日本京都九条蔥餃子餃子真係百食不厭，日本京都九条蔥餃子味道青新，唔會油膩。日式牛筋沾烏冬日式牛筋軟淋味道香口，將香辣汁沾上烏冬一齊食真係非常爽快。