Cafe R&C (已結業)

前排，我係網上見到我朋友既相簿內有超得意既三眼仔拉花咖啡，所以我好直接問我朋友係邊度發現哩間cafe，而我二話不說噤叫左我另外兩位朋友一齊去試同潮聖下  我地係提早三日打去訂位，其實都好少cafe會有訂位服務，不過我覺得幾好。本身訂左晚上八點半，但因為我有個朋友當日臨時黎唔到，我地唯有下午打去改時間為晚上八點半，但我地七點九去到，個侍應竟然同我講我地係訂八點半，唔係八點，我真係覺得有點無奈，為何我地更改既booking無update到?  我地唯有係附近行下等佢既來電啦，終於打黎入左去坐低，我地每人叫左各一樣主菜同飲品，另加一個小食，我認為係剛剛好，可能我地大食啦  墨汁帶子意粉 - 唔夠味，帶子麻麻地什菌意大利飯 - 唔夠汁，d飯有d散什菌蕃茄焗豆多士 - 無特別...三眼仔&Mike green tea latte - 濃烈綠茶味，口感較"結"身Bear latte - OK!整體我覺得除左影相有美感外，個人認為唔叫好食同埋有點不值，同埋我地坐既座位枱係一張大長枱，但左右已經有一至兩枱人，我覺得無乜空間感同有點迫。