影片
更多
2025-02-05
356 瀏覽
觀塘出名多野食係人都知，今次又走去搵好西食，今次就揀左人氣小店牛霸王，睇個名以為係打邊爐，其實佢係日式餐廳，招牌係手打和牛漢堡蘭王蛋丼飯，另外由於天氣比較凍，所以都有限定鍋物系列，咁就叫左招牌牛肉壽喜燒鍋，另外再加兩款小食，包括係雞皮水餃同埋日式胡麻沙律。<手打和牛漢堡蘭王蛋丼飯>和牛漢堡肉肉嫩多汁，充滿油脂香，再配合埋味甘蘭王蛋同埋泡菜，加上秘製醬汁再撈埋粒粒飽滿的日本米，簡直係最佳享受。而擺盤都值得一讚，視覺效覺一流，可謂是食香味並重。<招牌牛肉壽喜燒鍋>壽喜燒鍋份量極多，除左牛肉外，仲有唔少配料，包括蛙蛙菜、鮮菇、日本大蔥、金菇，同埋日本豆腐。當中要讚的係壽喜燒唔會過咸，另外亦可以將牛肉配埋落生雞蛋食。<雞皮水餃>雞皮水餃雖然話係小食，但都俾左五隻，同平時食開普通水餃唔同，用雞皮做皮會多左雞皮油脂香，而雞皮的質感係有少少煙靭的口感，所以都幾特別。<日式胡麻沙律>日式胡麻沙律主要係沙律菜同埋車厘茄，食材夠晒新鮮，配埋胡麻醬充滿和風口味。<白桃烏龍>白桃烏龍估唔到係用茶壺上，儀式感滿滿，聞落去已經充滿白桃
<手打和牛漢堡蘭王蛋丼飯>
和牛漢堡肉肉嫩多汁，充滿油脂香，再配合埋味甘蘭王蛋同埋泡菜，加上秘製醬汁再撈埋粒粒飽滿的日本米，簡直係最佳享受。而擺盤都值得一讚，視覺效覺一流，可謂是食香味並重。
<招牌牛肉壽喜燒鍋>
壽喜燒鍋份量極多，除左牛肉外，仲有唔少配料，包括蛙蛙菜、鮮菇、日本大蔥、金菇，同埋日本豆腐。當中要讚的係壽喜燒唔會過咸，另外亦可以將牛肉配埋落生雞蛋食。
<雞皮水餃>
雞皮水餃雖然話係小食，但都俾左五隻，同平時食開普通水餃唔同，用雞皮做皮會多左雞皮油脂香，而雞皮的質感係有少少煙靭的口感，所以都幾特別。
<日式胡麻沙律>
日式胡麻沙律主要係沙律菜同埋車厘茄，食材夠晒新鮮，配埋胡麻醬充滿和風口味。
<白桃烏龍>
白桃烏龍估唔到係用茶壺上，儀式感滿滿，聞落去已經充滿白桃的味道，飲落去感受到清香的餘韻。
整體而言，黎到牛霸王，手打和牛漢堡蘭王蛋丼飯真係有驚喜，同埋都敢創新加上泡菜，無論令味道同口感都有所提升。另外鍋物同小食都有水準，如果係附近可以過黎支持一下香港小店。
張貼
