緣味小聚 (金百利廣場) (裝修中)

蒸氣海鮮係今晚既重點，今晚就係黎食蒸氣海鮮火鍋放題，海鮮蒸得岩岩熟，保留晒啲精華原味😙除佐龍蝦仲有鮑魚大蜆海蝦扇貝，款款都好新鮮，全部都好鮮甜，鮑魚好爽嫩，大蜆又無沙，海蝦好彈牙，扇貝都爽口，重點係夠新鮮唔駛點豉油，食番本身鮮甜味就最岩😚蒸氣海鮮食完就打邊爐，邊爐唔同配料任食，丸、菜、肉、海鮮都係任食，佢地既花枝丸特別好食，係台灣的味道，墨魚味濃，又夠彈牙😋芝士腸都係由細食到大既芝士腸，真係爆準芝士，芝味十足，唔會好霉好散，有口感好食😛另外仲有小食同點心都可以任食，好似拍青瓜咁就唔錯，青瓜爽脆清甜，酸酸辣辣，涼拌方法非常開胃！