ATUM Desserant (已結業)

呢間一定要預早起碼半個月book位。環境好舒服，但大多係bar台位，唔算太好坐。雖然佢menu 唔只得 food art ，但原則上個個黎到都target呢個。畫food art 前職員會先問你有冇對食物敏感，之後職員會一路畫一路介紹有咩味既食物。另外，餐廳會特登安排飲用水杯同隔離唔同形狀，等食客唔會同分錯，畫art時收起水杯又會通知食客...好多detail位睇得出非常細心！畫到一半，已經覺得好靚！你想自己唧朱古力都可以向職員要求，服務態度好好。到主菜la ...雪糕! 職員囉個雪糕盤出黎，睇住佢倒雪糕入去，由liquid狀變成固體，好得意呢！好欣賞職員對手擺喺負百幾度既盤度攪勻，好專業！完成品，每張台設計都唔同架！我自己覺得個chocolate mousse 同個雪糕幾好味，其他就不過不失啦，我食得淡少少，所以覺得大部份食物偏甜。我估食物唔算係貴價食材，但以呢個價錢同服務絕對係抵食。如果帶甜品愛好既朋友黎試都幾驚喜。不過呢個係二人份量，多過兩個人黎就唔建議喇。近鏡另外每人有杯free drink，我點咗杯牛奶，味道一般般但睇得出製作有心思。我朋友就叫咗lavender tea。因為