影片
更多
2015-01-21
1103 瀏覽
今日食之前先去7080食韓燒，之後其實都怕自己食唔落，但我地本身就係宇宙黑洞，對好味既食物係來之不拒😂睇到一些blogger話6點已經賣晒（我當時係8點）諗諗下唔想白行之後冇得食，都係打去問一問，打去時係一位男店員接聽，佢好有禮貌咁話仲有，仲可以幫我留一個密瓜（佢地收11:00），好開心，之後就留左先。食完韓燒真係好飽，不過登龍街行過去名店坊乜都落晒格啦XD 位置唔難搵，就係響銅鑼灣地帶對面1樓，商場好多仲裝修緊，上1層行到尾見到logon就會搵到，因為一定人頭湧湧。不論店內店外都係人頭湧湧，我唔知佢一日會限賣幾個瓜，不過我都係覺得星期五/六/日，夜晚都係問問先好d,因為大部份客人都係一人手拎半個瓜。去到cashier同佢講留左個瓜，比埋錢就等啦，店員問要咩味雪糕，有牛奶同綠茶，可以2溝/單要一種口味，但店員話最好要牛奶一種，因為綠茶可能會蓋過密瓜甜味，聽到咁老虎都唔要綠茶啦😂等左一陣終於黎勒，見到密瓜本人同山咁高既牛奶雪糕，之前明明好飽即刻餓番😂唔記得左影隻spoon比大家睇，一開始以為係鐵既，但其實係膠做，好得意。店入面得3個企位，所以只好企出面食，不過冇所謂，我可以講唔會影響到你
睇到一些blogger話6點已經賣晒（我當時係8點）諗諗下唔想白行之後冇得食，都係打去問一問，打去時係一位男店員接聽，佢好有禮貌咁話仲有，仲可以幫我留一個密瓜（佢地收11:00），好開心，之後就留左先。
食完韓燒真係好飽，不過登龍街行過去名店坊乜都落晒格啦XD
位置唔難搵，就係響銅鑼灣地帶對面1樓，商場好多仲裝修緊，上1層行到尾見到logon就會搵到，因為一定人頭湧湧。
不論店內店外都係人頭湧湧，我唔知佢一日會限賣幾個瓜，不過我都係覺得星期五/六/日，夜晚都係問問先好d,因為大部份客人都係一人手拎半個瓜。
去到cashier同佢講留左個瓜，比埋錢就等啦，店員問要咩味雪糕，有牛奶同綠茶，可以2溝/單要一種口味，但店員話最好要牛奶一種，因為綠茶可能會蓋過密瓜甜味，聽到咁老虎都唔要綠茶啦😂
等左一陣終於黎勒，見到密瓜本人同山咁高既牛奶雪糕，之前明明好飽即刻餓番😂
唔記得左影隻spoon比大家睇，一開始以為係鐵既，但其實係膠做，好得意。
店入面得3個企位，所以只好企出面食，不過冇所謂，我可以講唔會影響到你心情。
當第一下「不」入密瓜肉道，果汁已經湧出黎，好多果汁，食一啖入口（連雪糕）果下即時開心起黎，要知道食到好味既野係會令人好開心😂牛奶雪糕香滑，雖然係好重好香奶味，不過係唔會搶走密瓜甜味，因為密瓜既甜味係比雪糕甜好多好多倍！2樣野夾埋一齊食簡直絕配（仍然好感動中）會令人一口接一口咁食😋
其實$180可能一下子會覺得貴左少少，但諗下，一個日本密瓜隔離sogo平極都3百幾蚊，平時一杯牛奶雪糕銅鑼灣賣平極都要$42/杯，2個人食份waffle都要$60，而家除開都係$90/位，其實真係唔貴，佢地賣緊只有一少部分既密瓜芭菲都要$83/杯，所以自己諗😂如果唔介意食朋友口水尾搵多幾個share一個過下癮都ok👍
打緊果時又想再去食😋
張貼
