Umi

營業中

休息中

今日放工之後即刻好想食開心少少，諗諗吓都係食Cafe又正又舒服，今次就去咗銅鑼灣呢間新開嘅樓上海景cafe，好chill架～一上到去嘅時候門口已經好有復古嘅風格，配合燈光打落去招牌嘅位置好有格調。入到餐廳內部之後一嚟就望到成個維多利亞港，再加埋餐廳位置唔會非常逼夾，整體嘅用餐環境非常舒適㗎！北海道帶子明太子意大利粉明太子味道濃郁，意粉彈牙，兩者混合之後配搭融洽。配搭嘅帶子粒粒都好大㗎，食落口一啲都唔覺得腥，煎香左嘅帶子味道香口，好正！UMl全日早餐作為招牌菜式，all day breakfast嘅質素值得一讚，煙肉香腸缺一不可，紫薯餅脆口，燒大啡菇不會太乾身，配合埋混合芝麻醬嘅蔬菜非常好食。大阪燒脆炸雞翼雞翼嘅醬汁比我一種食緊大阪燒嘅感覺，好似去咗日本咁樣啦，加埋炸雞翼配埋一齊，咬落口之後又有質感又有味道。蝶豆花香梨梳打成杯飲品嘅顏色好夢幻㗎，就好似夜晚嘅星空咁樣，香梨味果香十足，值得一讚！黑加侖子乳酪黑加侖子味道濃郁，加埋酸酸甜甜嘅乳酪之後好開胃。