影片
以上資料只供參考, 請與餐廳確認詳情
每個澳門同事都有介紹我地食渣渣泉放假又夾到時間，終於有機會黎食到！！因為佢每日只開三小時，16：30－19：30泉記一早已開門，糖水最出名係渣渣但我地剛食完下午茶，實在食唔落糖水，於是就係外面等四點半開爐既炭燒夾餅四點三已經開始有人係轉角排隊，好彩老闆認得我地，第一份整起就比我地先！！老闆整炭燒夾餅既熟練程度有如一個表演，企係旁邊一路聞住炭燒夾餅既香味一路睇住佢眼明超手快地整每一份，真心非常佩服！開火後等左十分鐘，我地終於等到份新鮮熱辣既炭燒夾餅熱辣辣 好好食呀！！真係有淡淡炭燒味～但同香港夾餅有小小不同既係夾餅皮比較軟身同薄～食得出無乜加麵粉漿，食完唔會好濟好飽建議每人食一份，唔好share😂😂😂
繼續閱讀
60年, 一個幾嚇人的數字, 阿姐細細個已經開始幫手賣糖水, 當年還是車仔檔....呢度所賣既糖水款式好少, 只有喳咋, 芝麻糊, 腐竹水, 綠豆沙, 湯丸...我總共食左兩碗, 先黎一碗喳咋, 落淡奶唔係落椰漿, 用外賣膠碗盛載, 好似不環保, 但一個人打理成間舖, 邊得閒洗碗丫, 體諒體諒.... 價錢$14細細兜, 唔太平架! 食落似紅豆沙多過似喳咋, 其他豆味好少, 而且也完全沒有芋頭味 (聲稱有落芋頭, 搵人試味先, 無芋頭味亦係我肯出街食喳咋既原因), 老實說, 不合格....心有不憤, 太細碗又唔夠喉, 索性嗌多碗腐竹水, 寫到明係水, 真係好水無呃我, 完全見唔到一塊塊或一粒粒既腐竹碎片, 亦無蛋花, 飲落都幾悶的, 幸好底下原來有薏米咬下, 解下悶... 味道方面都幾濃腐竹味, 幾香, 不錯! 但不至於好好食.... 芝麻糊係幾香的....
繼續閱讀
行完消防博物館, 經過這間糖水店。諗住試下順便休息一下, 避弄下個熱頭。我叫了凍喳咋, 豆夠多還可以, 但整體不夠甜不夠香。朋友叫了腐”足”糖水, 味道超淡無味, 好似飲水咁。
繼續閱讀
泉記喳咋陪伴著我的成長，兒時就開在家附近，我最愛凍喳咋，老闆喳咋泉說小朋友吃熱的才有益，我即氣得哭出來的樣子，投向爸爸一個眼神：「我要凍的！」，因我一向不喜熱的湯飲，可能與我身子熱底有關。升上中學我搬家了，泉記也跟著在我新家附近開了分店，晚上十時許覺得餓，便沿著昏黃路燈，走到泉記買一個大喳咋，怕不夠飽還加湯丸，光顧頻密得亞姐 (喳咋泉的細女) 已能記得 – 喳咋要大的、凍的、多奶、加湯丸。見證了我的大食歲月。早前回娘家發現泉記分店沒做了，「泉記」二字也給拆去，心裡有一陣失落。經過總店數回，也不見開門，不肯定是否時間不對。今天終看到這街角地鋪兩面門關開了，還有亞姐！亞姐認得我，熱情走來攀談，我說以為他們想著賣地鋪都不做了！亞組說分店的鋪是賣了，兩位哥哥近年身體較差，總店也有一段時間沒開門。但做了這麼多年，老媽不捨得連總店也賣，如果要賣價錢好不在話下，但亞姐唯想老媽開心，決定開店直到老媽有天真的不在了才打算。兩面有門的街角鋪通風光猛，尤記得兒時人多得要在街上放枱櫈。炭燒夾餅爐放在外頭，陣陣奶甜香，學生主婦們來排長長的隊買炭燒夾餅的情景又重現了！我今天當然要吃我的凍大喳咋加湯丸，還要了一客夾餅。時代有些變了，喳咋都不會像從前的甜，要健康嘛！夾餅老實說不脆，但越吃越有味道。大概在街坊心目中，泉記只去了旅行一會兒，現在假期完了又開鋪，大家又自自然然的走進店來吃碗糖水，說笑談趣。http://jules-whitekitchen.blogspot.com/
繼續閱讀
您可能會有興趣的...