影片
電話號碼
+853 28355460
開飯介紹
少見華人經營的地道葡萄牙家常菜餐廳，炸馬介休球、焗牛尾、咖喱牛腩飯等都是推介之選。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
相關文章
呢間餐廳一路都係我最愛嘅小餐廳。尤其呢度可以食到馬介休魚頭，好多地方都已經搵唔到，份量大到嚇死人價錢相宜。對於馬介休愛好者來講呢度可以食得到晒所有馬介休嘅菜式。 另一邊廂酒水也相當便宜，唔需要問有啲咩酒，其實好隨意地十幾$20就已經可以飲到一杯打發一個下午 毫無壓力。我希望佢可以重新開返，因為呢個一路都係我唯一最鍾意既小店喺澳門食嘢嘅選擇。
繼續閱讀
十幾年前同屋企人去澳門玩，食過兩餐葡國菜，午餐係有名氣嘅葡國餐廳，好食係好食，不過貴夾唔飽，反而晚餐隨意搵嘅一間、似菜餐廳格局嘅餐廳，真正又平又好味，食到好滿足，所以一直都對傳統葡國菜，留有一個好好嘅印象😆多年後再同朋友重遊澳門，多謝介紹傳統老店，令我又可以一嚐正宗嘅葡國菜滋味😍
繼續閱讀
一坐低， 侍應姐姐馬上棟係度催落單，十分之勤快！之後我哋點咗支汽水，炸馬介休球同埋燴牛脷，點完碟牛脷侍應姐姐即刻就問：「要唔要菜？ 」咁照上文下理我哋當然就以為佢問牛脷要咩配菜啦，所以就揀咗個菜。之後我地差唔多食完餐飯，佢就上咗個「菜」，我地仲以為佢哋送錯枱，點知原來係位姐姐好好心咁驚我地食唔飽所以分開點咗個菜俾我哋，多謝哂！ 再講食品質素： 差。 炸馬介球- 涷冰冰， 得幾條魚絲。燴牛脷 - 淡， 適合食得清淡嘅人士。埋單時候我地同收銀理論， 嗰碟「菜」我哋冇掂過冇食過而且唔係我哋主動點嘅菜， 但係店方仍然唔肯讓步要我哋照俾嗰碟菜錢，話係「溝通問題」， ok fine, 我俾冇所謂， 當買個教訓，不過你坤記以後就少咗兩個客囉。永別。
繼續閱讀
對上一次到澳門，有幸在姐夫介紹下，品嚐到澳門地道既土生葡菜。要講到當地人必推，甚至被列為地標的百年老店，莫過於水坑尾街上的「坤記餐室 」。「坤記餐室」於大三巴走路約20分鐘路程，非常適合去完大三巴牌坊打咭後再去品嚐一下正宗土生葡菜。「坤記餐室 」由1918年開業至今，已成百年的老字號餐廳，亦係第一間由華人開設既葡菜館。除了少數好似我地呢類型既觀光客外，更多的是老外面孔的土生葡國人。坤記以「葡國鄉下菜 」的概念出發，裝潢好似一般舊式茶餐廳。跟一般華麗既葡國料理相比，坤記既價格就顯得非常實在，而且份量飽足，CP值極高！餐牌上沒有一般華麗既菜式，只有非常平民實惠又能飽肚既菜式。值得推介一試既有：煏牛尾 ～ 牛尾也是葡國菜中幾乎都會出現的食材。但坤記的牛尾賣相就談不上吸引，色調淡，還覆蓋了許多蔬菜，點樣睇都同心目中的燴牛尾相差甚遠🤔。但勾的薄芡汁配上蔬菜，入口卻有種粵式菜既口感，加了葡國砵酒，文火慢燉六小時，食既時候覺得入口即溶，但咬落去卻還帶有彈牙口感，一絕👍🏻👍🏻👍🏻燒魷魚 ～ 坤記的燒魷魚是坤記百年來少見的新菜式。多半葡國菜系的魷魚都是用涼拌或酥炸的手法居多，但坤記用燒的，微酸帶著淡淡豉油的鹹香氣息，甚至有種經典的Tabasco香氣。配上從葡萄牙進口的橄欖油絕對讓人愛不釋口，係我內心土生菜的榜首🏆。葡國燒雞 ～ 外皮酥脆，雞腿肉汁滿滿，但更令我回味既卻係伴菜既馬鈴薯🥔！真係好好味😋酒水亦都非常實惠，紅/白酒1支都只係60蚊，飲唔晒1支，可以叫1杯1杯去叫，單點🍷亦只係16蚊。價錢實惠到令人不敢相信🤩
繼續閱讀
🇲🇴坤記餐室·葡國燒雞$65 l 燒豬柳$85 l 雜菜湯$14最後呢間係我地經過見到好多人食 所以跟住食既 佢價錢超級實惠 係類似澳式既葡國菜咁😎我自己比較中意佢個燒雞 佢個雞好嫩 雖然調味濃啲 但係好juicy🐤不過佢呢個雞係真係煮得太岩岩好 骨頭附近仲有啲啲血水 我自己覺得可以煮耐啲😂😂之後個豬柳就同我想像中有啲唔同 佢食落似豬扒多啲 無燒雞咁出色🐷📍坤記餐室 (新馬路水坑尾街264號地下)·#rbytravel #rbymacau
繼續閱讀
您可能會有興趣的...