影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
有關獎賞計劃
🧧初二去左親戚到拜年，佢地心血來潮話想食自助餐，我拿林林上網搵下，見到最近間酒店網上訂座有優惠，就同佢地試下🤭餐廳地方唔算好大，但都坐得幾闊落✨今次主題係 「牛迷·龍蝦·生蠔」海鮮自助晚餐食物選擇唔算太多，但Refill速度都算快，同都有少部份變化，由於新年關係，提供幾款賀年菜式，🥢刺身撈起、盤菜同蘿蔔糕等😆🔸生蠔🦪即開，唔算好大隻，但味道鮮甜帶海水味🔸刺身有6款 ：三文魚、吞拿魚、鯛魚、紅蝦、馬刀貝同墨魚🦑特別推介紅蝦，但供應有限🔸海鮮凍海鮮有5款：長腳蟹腳、🦀麵包蟹、🦐海蝦、翡翠螺同青口，整體都好新鮮🔸芝士龍蝦🦞龍蝦得芝士焗，唔算太大隻，大部分都有膏，肉質爽彈🔸天婦還有金菇、南瓜同四季豆，略嫌炸粉有少少厚🔸燒和牛西冷/羊架和牛肉質軟腍，肉味唔算濃，🐐羊架略嫌有少少過熟🔸甜品自家製點品，🍫朱古力噴泉，仲有任食haagen dazs雪糕📣新年期間由初一至初十五（10/2-24/2、悦品酒店 The Platter 亦會送上新年利是優惠券🧧
繼續閱讀
餐廳：The Platter (葵涌) 地址：葵涌青山公路 - 葵涌段443號悦品酒店‧荃灣LG樓 悦品酒店‧荃灣嘅裡面嘅The Platter @the.platter.by.cozi 最近推出咗以「牛迷·龍蝦·焗蠔」做主題嘅海鮮自助晚餐🍽，逢星期六日同公眾假期承惠成人每位$568再加一，喺OpenRice預付仲有高達57折優惠，即喺$1408就包晒4位連加一嘅3個半鐘任飲任食自助餐😍，除返開埋單每人都只喺$352，一個咁抵嘅價錢就可以任食波士頓龍蝦🦞、即開生蠔🦪、麵包蟹🦀、燒澳洲和牛西冷🥩、和牛壽喜燒🐃、Häagen-Dazs雪糕等美食，每樣食返幾件都即刻回本😋 雖然餐廳環境唔算大，但喺位置空間都幾舒服同乾淨✨，仲有好多寬敞嘅梳化座位；Refill食物同收碟嘅速度都幾快，客人亦唔算好多，所以基本上每款食物想食都隨時有得拎，唔會出現大排長龍或者無晒食物嘅情況👍。食物同飲品選擇大概有60至70款，以酒店自助餐嚟講唔算多不過食物質素都算中上，唔少一家大細都過嚟共聚天倫👨👩👧👦，享受呢幾個鐘豪飲豪食嘅滋味一開波緊喺要食晒啲最矜貴嘅食物😎，先拎晒啲每人每次限攞一份嘅主題食物：生蠔專區由師傅即場開蠔殼🦪，再沖水沖走沙石同蠔殼碎片，雖然唔喺好大隻但鮮味十足，加埋少少自製辣汁同檸檬汁就更加提鮮🌊；焗波士頓龍蝦肉質飽滿鮮甜🦞，加咗芝士再輕輕炙燒🔥，充滿火熱「芝味」🧀；和牛壽喜燒每份有一至兩片和牛，不過因為加熱完就放喺度冚住蓋俾人拎，所以和牛片有少少過熟🤏，慶幸嘅係和牛羶香凸出，壽喜燒汁亦唔會太過濃味，仲有唔少蔬菜喺入面幾豐富👍；燒澳洲和牛西冷同燒羊鞍由師傅即場切出嚟比食客👨🏼🍳，個人特別鍾意羊鞍嘅羊羶味🐏，加埋少少黃芥辣味道一流🤤 冰鎮海鮮方面有雪花蟹腳、麵包蟹、白蝦🦐、藍青口同翡翠螺，雜錦刺身就有赤貝、鯛魚、三文魚、吞拿魚、北寄貝、阿根廷赤蝦同魷魚等，長拎長有，整體味道都幾新鮮，食咗幾輪都唔覺有腥味；另外有多款沙律🥗，海鮮沙律同慢煮雞胸配藜麥牛油果沙律都值得一試；惹味嘅蒜香炒鹿兒島和牛粒都喺必食，上湯龍蝦伊麵同白酒香草忌廉汁龍蝦鉗更加喺搶手菜式，仲有小朋友至愛嘅爐端燒🍢 甜品方面有朱古力噴泉、多款西餅蛋糕🍰、雜果啫喱、新鮮生果🍉、我最愛又食咗3件嘅滿滿蛋香香脆窩夫🧇，同兩款品牌：Häagen-Dazs仲有Cocoberry嘅雪糕，每款都有幾種口味🍨；配埋杯咖啡機沖嘅Cappuccino或者飲番杯果汁簡直就喺滿足🍹
繼續閱讀
平時吃日式韓式的自助餐就吃得多，第一次見主打香港風味的自助餐。雖然酒店位置不太方便，但在葵芳新都會廣場的近士站旁邊，就有酒店安排的Shuttle Bus～最正有「焗芝士波士頓龍蝦」，半隻龍蝦超大，肉質幾鮮嫩，搭配濃郁的芝士和白汁，男朋友話好味！這個價錢有即開活生蠔真的很抵吃，生蠔肉質鮮嫩多汁，有鹹鹹的的海水氣息。避風塘薑蔥龍蝦鉗、豉椒炒蟶子等等，都是以港式炒法製作，好惹味！傳統自助餐必有的美食，餐廳都一應俱全。鱈場蟹腳、麵包蟹、白蝦、藍青口、翡翠螺，海鮮控一定會好興奮～雜錦刺身都有幾款選擇。我就比較喜歡熱食，燒和牛西冷牛扒和燒羊鞍都值得一試。餐廳有一部機可以自製雞蛋仔，還有朱古力醬之類可以畫公仔，見到小朋友食得幾開心。還有港式傳統砵仔糕，Haagen Dazs雪糕都有幾款口味，已有優惠價的自助餐來說性價比都幾高！
繼續閱讀
[📍荃灣 ｜ 悦品酒店The platter ]今次黎到荃灣悦品酒食自助餐，見到酒店新推出既悦港 • 悦嘗食主題非常之吸引，於是就黎試下。自助晚餐食物種類豐富，而且性價比都好高。先講講個環境，酒店大堂同餐廳都幾新淨同時尚，仲有提供免費接駁巴士🚌。另外都有巴士直接去到門口，交通都好方便。餐廳位於LG樓層，雖然餐廳唔算好大，但係座位寬闊，位與位之間有足夠嘅距離，而且私隱度幾高，重點係唔會好似其他酒店自助餐咁，要有搶野食既感覺，因為佢refill 野食既速度好快，而且食物種類繁多，時間由6點食到9點半，可以同朋友慢慢傾計慢慢食。食物方面有太多選擇，熱盆亦有好多中菜，焗波士頓龍蝦🦞係必食之選，重點係有大量供應，唔需要等好耐先有一碟。避風塘炒蟹🦀都係回本位，啲蟹係非常大隻，炒得好惹味而且膏同肉都好飽滿，蟹蓋都爆哂膏。比較特別既係豉椒炒蟶子🥠，好有大排檔既風味，真係想叫個白飯黎食。仲有係避風塘薑蔥龍蝦鉗、上湯龍蝦伊麵、燒紐西蘭肉眼🥩、燒羊鞍同埋鮑魚雞粥🥣等等。去到冷盤方面，有任食既即開活生蠔🦪。冰鎮海鮮包括有鱈場蟹腳、麵包蟹、藍青口、白蝦同埋翡翠螺🐚，全部都好鮮甜。雜錦刺身有阿根廷赤蝦、三文魚、鲷魚、魷魚同埋鮑魚，阿根廷赤蝦🦐係首選推介，鮮甜大隻冇得輸。另外仲有豬耳千層峰、醉乳鴿、沙律菜🥗夠哂多元化。水果同甜品都好多選擇，有朱古力慕絲蛋糕🍰泡芙、啫喱、朱古力噴泉、Häagen Dazs雪糕🍨，仲有比較特別既傳統砵仔糕同埋自製雞蛋仔，可以一嘗製作雞蛋仔嘅過程。新鮮水果嘅菠蘿同埋西瓜都好鮮甜。呢度既飲品係無限暢飲，有多款果汁🧃、咖啡☕️、檸檬茶🫖等等既供應。悦港 • 悦嘗食自助晚餐星期六、日及公眾假期供應，官網預訂更可享有優惠！
繼續閱讀
已經聽過無數人推介這家高級餐廳The Platter，恰好週末六一兒童節一家大小來吃和風•韓流•滋味之旅全自助午餐。The Platter用餐空間宏大，氛圍溫馨典雅，自助餐區一道道精美佳餚陳列有序,色香味俱全,令人目不暇接！真的太適合親子了，有各種軟糖和棉花糖五彩繽紛，最得意是有朱古力噴泉，將白色棉花糖放入朱古力噴泉中即刻整塊淋到朱古力，香醇誘人，好有趣！仲可以親子一起做窩夫，享受整個過程的樂趣！每個熱盤都極致誘惑！韓式甜辣雞翼比較紅好誘人,外皮甜辣,肉質鮮嫩多汁！海鮮焗意粉有三文魚和大蝦，海鮮與意粉在cream sauce的包裹下,滋味醇厚濃郁！忌廉汁魚柳散發著奶香,魚肉細嫩如絲！燒沖繩島脆皮黑糖雞,外層酥脆，特有的黑糖香氣！紅酒燴牛肉軟嫩入味,肉汁豐沛,深邃醇厚的紅酒風味！泡菜炒豬腩,豬肉有少少酸辣鮮嫩多汁,令人胃口大開！清酒煮海蜆,蜆肉飽滿肥美,清甜且有酒香，好有雅韻！黃金蝦金黃酥脆,蝦仁肉質彈牙,保留了鮮甜的本味！轉過頭是豐富甜品Buffet。慕絲蛋糕絲滑細膩的慕斯,甜而不膩。抹茶和果子,軟綿的豆沙內餡好有濃厚的抹茶風味,回味無窮。雜果啫喱顏色繽紛,晶瑩剔透,果肉鮮嫩,酸甜清涼爽口！凍海鮮有麵包蟹，白蝦、藍青口等保持最佳的新鮮度,搭配各式醬汁,盡情品嚐！冷盤有雜錦凍肉芝士拼盤和泡菜等！飲品有橙汁，紅茶，啤酒，咖啡等！有多款口味哈根達斯雪糕！刺身吞拿魚，三文魚，赤貝，馬刀貝，鯛魚，用雪櫃凍住十分新鮮！湯品有番茄忌廉湯和人參雞湯，滋補養生我都飲了兩碗好好地補下好身體！
繼續閱讀