269
36
6
| 餐廳: | Peek-A-Poke (希雲街) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
食家推介
-
黃金蟹棒
-
炸蕃薯條
-
加州風味
-
自選威基基
-
California+11
相關文章
今日同事話想食健康Ｄ ， 搵左間Poke Bowl, 咁一向愛運動愛健康嘅我當然要支持下佢啦 . 餐廳喺希雲街，低調嘅門面. 唔太起眼. 但更顯特別, 一間特別嘅小店. 面積不太大. 入到餐廳大概都有20個座位左右, 枱距有點近. 但坐位還算舒服, 可自由揀位，有點餐紙揀好食物，再去櫃台付款落單便可。低卡低脂健康Poke Bowl 啱曬我. 我地兩人,一人叫了一個signature bowl。店員都好NICE , 態度超好, 食物會送過嚟。California 加州風味碗 ($98) 有三文魚、青瓜、雞蛋絲、三文魚子配果仁芝麻醬, 配珍珠糙米+沙律. 份量不少. AHI-SAN 吖嘻先生 ($88) 有吞拿魚, 枝豆 , 香茹,青蔥, 山葵乳酪醬. 配珍珠糙米+沙律 . 我再加三文魚子. 配料都好新鮮. 配埋醬汁 更加惹味。沙律菜+珍珠糙米令我更有飽腹感. 今餐真係好健康, 低卡高蛋白質, 朋友仲話好好味又健康過兩日要再來. 仲叫左個Fruit Punch , 有驚喜. 好Fresh , 甜度適中.總結: 佢地有Signature poke bowl 或自選Bowl , 都可以揀份量，有迷你、普通、加大, 仲可以任加配料滿足你所有喜好. 食得健康又好味 ! 店名: Peek-A-Poke地址: 銅鑼灣希雲街16號地舖銅鑼灣站F1出口
繼續閱讀
呢碟魚生飯，真係叫到我心都暖笠笠！一坐低，店家就遞咗一張menu過嚟，我揀咗一客自選poke bowl，滿滿嘅吞拿魚丁盛載喺珍珠糙米之上，又墊底有清新沙律菜，一眼望去就實在過癮！配料上，呢度係真心大方，選到青瓜、豆腐同蟹子，啲青瓜脆嘅啱啱好，帶點清甜，豆腐滑過咩都滑，入口即化，一啖蟹子咬落去爽彈得嚟鮮味嗲到不得了。醬汁方面，我就決定咗鰹魚醬油，驚啲味太重？放心，佢哋嘅分量控制得恰到好處，提鮮唔蓋味！😍手工調味你話重唔重要？一千個人就有一千種口味，好在啲調味料成個陣容強大得滯，有芝麻、香蔥、shallot crisp…你話多啱啲，少啱啲，all up to你！搞到成碗poke bowl層次分明，飽滿得你口口都唔放過。😋✨攞埋杯飲品，我選咗水梨氣泡水，清新提神，幫手分解啲油膩，飲飽食醉又點會唔心滿意足呢？港式少啲繁瑣，簡單直接，呢度嘅poke bowl實在係夏日消暑必備！小編個心得：求新求變嘅食客們，想食得健康又唔想太單調，去試試呢間嘅poke bowl吧！真係會令你耳目一新、意猶未盡嗰種🥗🐠🌴！
繼續閱讀
大家平時唔知會唔會去希雲街覓食呢😚？呢條街都有好多好好味嘅小店㗎，嚟緊再同大家一一分享🙌🏻！而呢間嘅poke bowl我成日都食，特別係夏天唔想食熱嘢嘅時候，或者想食得健康啲，又想佛系減下肥嘅時候😳，都會諗起呢度呢🤩～✨Build ya own bowl (salmon) $108你睇👀！個bowl堅足料㗎～魚生嘅材料好新鮮，仲可以自由配搭mix and match添😋～如果唔想諗，其實佢都有幾個default咗嘅配搭🤪不過做人最緊要有得揀嘛☺️！我今次揀咗嘅protein係三文魚，一半珍珠醋飯+一半沙律菜，配海帶芽、蟹籽同香菇，鍾意食菇嘅朋友～香菇係必點😍！！我仲加咗$15要牛油果🥑，記得以前嘅份量會多少少😕，不過依然係比靚嘅牛油果嘅～😄P.S.🫶🏻如果比較細食嘅朋友，記得少飯🍚～健康啲唔想食咁多醬嘅～都要記得少醬啊😉CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🧸🔖 #Peek-A-Poke (希雲街) (銅鑼灣) @peekapoke📞 55957729🔍 銅鑼灣希雲街16號地舖#k_razyfoodie #k_razyfoodie 美國菜推介 #hkfoodie #hkfood #香港美食 #美食推介 #吃貨日常 #真實食評分享 #銅鑼灣餐廳推介 #拍拖好去處 #相機食先 #peekapoke #pokebowl #新鮮三文魚 #足料魚生飯 #夏天消暑推介
繼續閱讀
Poke即係夏威夷魚生飯，比日式嘅配料更多元化，除左魚生仲有多款健康選擇，加上醬汁同調味料，係超豐富又好味健康嘅一餐😋—— 三文魚+3款配料 $98三文魚好好食!!!肉質豐嫩好新鮮😍配料我就揀左枝豆、青瓜同豆腐(超滑!)，個base係珍珠糙飯加沙律菜，有得揀雙拼幾好👍🏻特別鐘意佢嘅醬汁，鰹魚醬油帶啲淡淡嘅香氣，啱啱好配啲魚生蔬菜提下味，但又唔會過鹹🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 Peek-A-Poke (#銅鑼灣)銅鑼灣希雲街16號地舖
繼續閱讀
同朋友去咗銅鑼灣做嘢，中間食飯時間都係要諗餐飽，一來係星期日出去搵嘢食真係唔容易，二來要諗吓邊度有啲比較健康嘅嘢食更加困難，所以都係決定唔出去，叫外賣比較穩陣。諗吓健康啲食乜嘢比較好，所以就諗到食沙律，但係又好似太過清淡，所以就諗起可以食魚生飯加沙律。搵咗一陣，終於搵到呢間Peek-A-Poke, 我就簡單叫咗個夏威夷風味，即係吞拿魚魚生飯，另外我再加左八爪魚同埋牛油果，仲有我改咗要一半飯一半沙律。嚟到嘅時候份量都幾好，味道亦都算啱啱好，牛油果都有半個，八爪魚份量還算可以，整體嚟講食過幾間唔同嘅poke，呢間算係比較好味嘅一間，有機會都會試吓佢另外一間分店。
繼續閱讀