平日翻工全日對住電腦對到悶，難得放假，想扮下文青約班朋友Chill下影下相呃下like？ 跟著小編嚟啦！以下幾間cafe保證從踏入餐廳起，裝潢以至佳餚美食，整個過程都是視覺和味覺享受！ 仲唔快啲搵返件靚衫，約埋朋友仔，去「相機食先」兼影返輯文青相！

高興 (觀塘)
走懷舊港式風嘅隱世café，裝潢勁有心思！高樓底下有霓虹燈、懷舊港式理髮廳等文青喜愛嘅元素，非常適合影相打卡！店主亦係café中央設立左舞台，不定時免費為自由表演者提供舞台，讓佢地一展所長！啱晒大壓力嘅港人放假嚟聽下音樂，Chill吓！


高興鵝肝手打牛肉漢堡
餐廳自家製手打成寸厚嘅漢堡牛肉入口夠晒Juicy，唔會乾噌噌！油香四溢輕嘅煎鵝肝配上酸甜嘅燒菠蘿，減輕油膩感，令成個漢堡層次升級！鍾意食紅椒嘅朋友仲可以加埋落漢堡，增添一種滋味！

青口魷魚墨汁意大利粉
意大利粉鹹鮮十足！意粉彈牙，海鮮無冰鮮味，雖然食到個咀黑蚊蚊，但名副其實食得很「高興」！

士多啤梨高興煎餅
肉二層煎餅就有平時其他店三塊嘅厚度！一啖過食足士多啤梨果醬、士多啤梨雪糕同pancake，食落好滿足！下午茶啱晒！

朱古力雪糕配奶泡/ 士多啤梨雪糕配奶泡
餐廳選用Movenpick雪糕，朱古力雪糕配埋可可豆脆脆，加埋Oreo餅底，口感一流！士多啤梨味雪糕配埋香脆嘅粟米片同奶泡，好正呀！甜品控必試！

高興+ (北角)
同觀塘「高興」同一老闆嘅「高興+」位於北角碼頭附近，新店主主打港式西餐路線，提供意大利麵，沙律，烤雞，定價同樣合理。裝修同觀塘店一樣走懷舊路線，係一間懷舊戲院風嘅fusion餐廳，店內有唔少戲院特色陳設，係一間打卡必去、睇得又食得嘅好去處！

麻辣肉醬意大利粉
嗜辣者必試！入口有種四川風味，原來大廚加左花椒油調味，令到普通嘅蕃茄肉醬有一種似老干媽將嘅風味，配上剛剛好嘅彈牙意大利粉，辣得好滋味！  

慢煮美國肉眼扒
店內選用美國Prime級9安士肉眼扒，利用慢煮方法保持肉汁同肉質！粉紅色嘅牛肉，輕輕一切，肉汁慢慢流出！細嚼，肉質嫩滑帶濃厚肉香！我配黑椒汁或蒜蓉汁食用，增添風味！

檸檬法國春雞

春雞即叫即焗，鮮嫩多汁，肉質鮮嫩，烤得香脆，帶有微微嘅檸檬同香草味，配埋用檸檬葉調味過嘅岩鹽或檸檬味醬，清新又香，值得一試！

蜜糖酸忌廉雜果窩夫
窩夫焗得啱啱好，厚度適中，入口外脆內鬆軟，配搭上美國風格嘅酸忌廉，同酸酸甜甜嘅新鮮雜果，店內高質甜品之一!

高興奶蓋系列 （芒果及士多啤梨味）
芒果奶蓋用上足料新鮮芒果，打成芒果蓉同沙冰，清甜嘅芒果沙冰配而鮮奶、煉奶打嘅奶蓋，酸酸甜甜，無一般用cream cheese打成嘅奶蓋咁膩! 消暑一流！ 淡粉紅色嘅士多啤梨奶蓋，味道就酸酸甜甜咁，用新鮮士多啤梨打成，絕對冇藥水味！鮮奶奶蓋都夠厚夠Fluffy，士多啤梨控必試！

心動不如行動！有興趣就快啲約埋三五知己去嘆下美食啦！快啲bookmark定啦！

*以上圖片只供參考，所有食品以實物為準. 食品供應因餐廳而異

相、文：Tiffany

Keyword

Cafe

打卡

文青

隱世

懷舊

意大利粉

雪糕

餐廳

相機食先

開飯專題

開飯仔為你提供各類型最新飲食情報及優惠，全面照顧你的飲食喜好。