Foodcation當然要吃飽飽嚕~ 食餐buffet就啱數喇。位於北角嘅香港維港凱悅尚萃酒店推出自助晚餐及早餐連海景住宿STAYCATION套票，酒店鄰近海旁，全部房間都可以欣賞到維港嘅海景呢！
自助晚餐及早餐 The Farmhouse 咖啡廳
酒店自助餐同樣都係面向維港，而且更設有室內同室外座位，無論想嘆海景定係感受陽光都冇問題。餐廳以「由農場到餐桌」為理念，引入有機蔬菜，並選用可持續海產同國際及本地嘅高質肉類，喺供應美食嘅同時，亦顧及保護環境。
不過暫時由於禁晚巿堂食關係，自助晚餐暫時只可夾完食物之後，拎返上房間內享用。但就可以揀Box Buffet（只可裝滿盒一次），或自助晚餐（無限次添加）。*
自助餐嘅食物款式繁多，設有冷盤海鮮區、刺身及壽司區、熱食區同雪糕及甜品區等。海鮮選擇有凍蝦、青口、螺、蜆等，重點當然係蟹啦，好多膏呢，要回本就要食多啲咯。
熱食區則有燒雞翼、串燒、各式肉扒、港式燒味、點心及粉麵等，中西港日印等地嘅菜式都齊全。芝士控記得要拎松露磨菇芝士長通粉，有專人喺度即席製作，將長通粉倒入原個芝士中，每條長通粉都可以沾滿熱溶芝士汁呢。而芝士肉丸配番茄醬，就釀咗啲芝士喺粒肉丸入面。
無肉不歡嘅朋友仔，mark住烤安格斯黑牛西冷啦，肉色粉嫩，仲有肉汁𠻹。
都巿人愈嚟愈注重健康，即使食buffet都要多食菜。呢度相當貼心，特別設有即製沙律專區，即刻整返份熱溶芝士凱撒沙律都仲得！泰式青木瓜沙律清新酸香，值得一試。
至於甜品區絕對係賣點之一，款式多多，甜品控記得要留定多啲Quota。最吸引當然係勁大個雪糕櫃啦，10幾款口味包括tiramisu、清薑同港式奶茶等都幾特別。
今次嘅預訂套票，標準大床客房 / 標準雙床客房一晚 (床型視乎實際情況供應)，全部房間都可以睇到海景呀！
而家經OpenRice網上訂座預付訂購Staycation套票，優惠可以低於3折啊！預訂時入埋優惠碼： 【FOODCATION】更可即減$100！名額有限，手快有手慢冇呀！
*自助餐菜式嘅供應視乎餐廳情況而定，影片及相片只供參考
地址: 北角北角邨里1號香港維港凱悅尚萃酒店西座2樓
立即預訂：（按此）