嚟到年尾，又係開始倒數聖誕節嘅時候啦！Starbucks再次推出三款聖誕飲品，多款聖誕主題美食，同一系列聖誕商品陪大家迎接聖誕。特別係焦糖咖啡布甸同蛋糕等都非常吸引，今年品牌更加推出聖誕妙用咖啡渣活動，慶祝佳節之餘亦幫環保出一份力！
 

經典聖誕飲品

聖誕薄荷朱古力咖啡（中$43、大$47、特大$51）

星巴克咖啡今年再次推出三款經典飲品，最有聖誕氣息嘅就要數到呢杯聖誕薄荷朱古力咖啡，朱古力咖啡當中加入薄荷，增加清新氣息。忌廉上面仲有朱古力咖啡醬同紅白薄荷脆糖，一見到就會諗起聖誕！
 

拖肥果仁脆趣鮮奶咖啡（中$43、大$47、特大$51）

而呢款就以拖肥果仁搭配特濃咖啡，再加忌廉同拖肥脆糖，甜蜜當中帶烘烤果仁香味。另外仲有薑汁鮮奶咖啡（中$43、大$47、特大$51），三款都有齊熱飲、凍飲同星冰樂選擇。
 

聖誕特色甜品

焦糖咖啡布甸（$23）

一直大受歡迎嘅星巴克布甸今次就推出焦糖咖啡口味，用口感細膩柔滑嘅咖啡布甸加上香甜嘅焦糖醬，記得食嘅時候要盡量挖到杯底，咁先食到焦糖醬呀！
 

紅絲絨朱古力曲奇芝士蛋糕（$38）

提到聖誕應節甜品，又點少得紅絲絨蛋糕呢？呢款新推出嘅蛋糕結合咗朱古力餅底、紅絲絨芝士蛋糕，同用忌廉加士多啤梨扮成嘅聖誕帽，賣相非常有節日氣氛。
 

（左）香橙紅莓鬆餅（$20）、（右）士多啤梨朱古力流心蛋糕（$40）

香橙紅莓鬆餅以富牛油香嘅鬆餅為基本，加上紅莓同香橙味道，甜而不膩。士多啤梨朱古力流心蛋糕顧名思義，朱古力蛋糕切開就見到裡面嘅流心朱古力，加埋紅莓醬同新鮮士多啤梨，味道層次豐富。
 

焦糖小蘋果芝士蛋糕（$34）

焦糖口味嘅芝士蛋糕表面鋪上焦糖忌廉、小蘋果同杏仁碎，焦糖香同芝士完美融合。
 

 

（左）焦糖丹麥酥（$23）、（右）紅莓牛角包（$25）

焦糖丹麥酥睇落有啲似飛碟，其實係酥脆丹麥酥當中加入焦糖醬，表面再淋上糖霜同焦糖翻糖醬，多重甜蜜交織。而紅莓牛角包外面以翻糖、開心果碎同士多啤梨脆點綴，裡面係酸甜嘅紅莓醬。
 

（左）杏脯乳酪杯（$30）、（右）抹茶奇亞籽椰奶芭菲（$35）

杏脯乳酪杯由底到面分別係杏脯果醬、黃桃果粒、乳酪同穀物，果香清新而口感豐富。綠色好有聖誕Feel嘅抹茶奇亞籽椰奶芭菲顧名思義，用咗Superfood奇亞籽搭配日本抹茶粉同椰奶，上面再灑上椰子薄脆、杏仁碎同提子乾，食甜品感覺都可以健康啲。
 

（左）蕃茄菠菜蛋批（$35）、（右）印度香料雞大啡菇沙律（$54）

聖誕食品當中亦有三款鹹食，蕃茄菠菜蛋批口感香軟，車厘茄同嫩菠菜增添清新口感。印度香料雞大啡菇沙律就以多汁嘅大啡菇，同惹味嘅印度香料雞肉為主，再加青瓜、甘筍等。最後點少得聖誕代表食物火雞呢？聖誕火雞煙肉紅莓三文治（$45）亦富多重口感。
 

妙用咖啡渣活動

聖誕系列商品（$65-$798）

而聖誕商品方面，今年亦有多款隨行杯同咖啡杯畀大家選擇，有經典雪人、聖誕花圈圖案，亦有以白雪同杉樹為主題嘅，各有特色。
 

咖啡渣潔手套裝（$248）

11月21日起，大家就可以去星巴克咖啡分店買到呢Set咖啡渣潔手套裝。原來品牌一直都有回收咖啡渣，然後捐贈至非牟利機構雲耕一族，希望做到減廢同推動可持續發展。呢份潔手套裝包括一支洗手液同一個手工皂，都係用Starbucks咖啡渣製作，而且扣除成本後，收益會捐贈返畀雲耕一族㗎。
 

迷你咖啡渣包

你都想加入一齊妙用咖啡渣？11月5號開始喺九間有Starbucks Reserve™ Coffee Experience Bar嘅香港同澳門分店，大家可以免費攞到呢啲迷你咖啡渣包，可以放喺屋企幫手除臭、甚至防蟲！去官網可以見到更多咖啡渣妙用方法。
 

（左）聖誕樹咖啡渣蠟燭、（右）花藝咖啡渣盆栽

分店亦會喺12月舉辦工作坊，教大家善用咖啡渣做出唔同嘅精緻聖誕禮物，無論送禮定自用都咁啱！詳情將會喺11月中於香港星巴克Facebook Page公佈。

文、相、片：Cathy