聖誕節可以同Honey食浪漫大餐，亦可以一大班人一齊開住Party過！有時間就當然可以自製Party Food，不過如果真係分身不暇，最方便當然係叫到會啦。佳節當前，梗係要食住唔同國家嘅特色美食，過一個滋味聖誕！
搶眼韓風花卷 School Food
近年韓風襲港，呢間新派韓國菜餐廳今年就特別推出珍寶分量嘅外賣派對美食，當中以四款唔同口味顏色花卷組合而成嘅韓花卷拼盤最為搶眼，不妨花少少心思擺盤，放上網呃Like都特別易。另外仲有地獄辣醬年糕、韓絲熱捧鐵鍋飯、Oppa豬肉彈彈涼麵 、韓式炸雞及小食拼等選擇。
日本松葉蟹真味 千両
香港人鐘意食日本菜是常識吧！就算再凍都總有胃口食新鮮刺身壽司嘅，千両今年聖誕除咗唔少得嘅壽司盛同刺身盛之外，仲有鱈場蟹聖誕盛盒同鱈場蟹聖誕盛盒，自問係蟹迷嘅話又點可以唔試下呢份鮮甜呢？甜魔仲可以訂埋佢地嘅花畑牧場芝士蛋糕，北海道十勝著名花畑牧場嘅芝士質素相當有保證。
應節健康之選 NOSH by Secret Ingredient
雖然話嚟到聖誕節要食「好西」，不過其實食西餐都可以食得健康啲嘅。跑馬地呢間主打健康低卡嘅餐廳今年就有四款外賣聖誕美食，分別係最應節嘅聖誕焗釀火雞卷配煙肉炒椰菜仔及意大利香醋，比較清新嘅香烤蜜糖火腿配紅莓藜麥沙律，百里香焗蕃薯、蘿蔔及南瓜，同香草糙米、紅米及藜麥。
最體貼懶人包 Flame at Towngas Avenue
如果你真係忙到連配搭美食嘅時間都抽唔到出嚟，唔緊要，呢間餐廳今年推出全新嘅外賣派對套餐，上網訂完就由餐前小食、頭盤、熱盤、烤肉到甜品都齊哂！最抵讃嘅係送埋精選葡萄汽酒同橙汁，而且訂購20位或以上嘅話仲有切肉專用刀叉送返畀你。當然，最受歡迎嘅烤原隻火雞、烤金門火腿同烤羊架都有得單獨外賣嘅。
開飯編輯推介：
1. 【專訪】「我喜歡堅持 我只得堅持」 新入圍米芝蓮法式泡芙店谷底反彈
3. 10月份好評餐廳十強
熱門文章推介：
3. 精選芋圓甜品舖PK戰
隨時接收最新資訊
讚好OpenRice專頁！