Time Tea時間當然要休息一下，日本Hea嘅卡通代表除咗蛋黃哥之外，其實仲有連個名都Relax過人嘅鬆弛熊。今次鬆弛熊就同日本嘅Karel Capek 紅茶店聯乘，推出一系列精品！有紅茶亦有茶杯，最正嘅係鬆弛熊今次變身蜜蜂，睇到都覺得特別Sweet。

今次聯乘係為咗慶祝Karel Capek 紅茶店30週年，而Karel Capek 紅茶店由紅茶鑒賞家山田詩子開設，佢同時亦係一位插畫師，所以舖頭亦係走英式童話風格。鬆弛熊著上蜜蜂衫轉個畫風，即刻有田園系加治愈Feel！

招牌紅茶分鐵罐裝同袋裝，選擇恐懼症可唔可以兩款都買哂佢？

另外亦有Berry Butter，加入咗士多啤梨同小紅莓，Tea Time配鬆餅啱哂。

最後仲有杯同兩款唔同嘅禮盒畀大家送畀鬆弛熊Fans或者自己，以後Tea Time就更鬆弛、I mean更輕鬆愉快啦。

Rilakkuma x Karel Capek 紅茶店
2016年8月22日至9月12日於東京有樂町丸井百貨1F先行發售
2016年9月15日起於Karel Capek 紅茶店分店及官網，和Rilakkuma Store發售

資料來源：PR Times