就到聖誕，一班老是常出現嘅迷你兵團當然又出動啦。日本大阪環球影城今年3月新開嘅Minion Plaza，由而家開始去到出年1月6號都會有聖誕限定嘅兵團小食呀！
時weet時weet聖誕限定迷你兵團軟糖，細細粒粒咁巧打耳呀。聽講仲係呃like神器嚟㗎喂！
平時已經成日見到好多囡囡孭住個兵團桶（誤）周街走，其實嗰個係爆谷桶嚟，而聖誕節就梗係有聖誕版添啦。唔好話我唔提定你，呢個桶每日限量發售㗎，賣晒就「明天請早」喇。
Ba～na～na～～Ba～na～na～有兵團嘅地方點可以冇Banana？呢杯白朱古力香蕉熱飲最啱就係凍冰冰嘅時候，拎住嚟暖下手（同埋暖埋個胃）啦！另外仲有個聖誕限定嘅 Stuart 杯套添呀！很想要吧？
來源：日本大阪環球影城
文：kar
隨時接收最新資訊
讚好OpenRice專頁！
