又嚟到月中，OpenRice外賣自取繼續同各間餐廳合作推出優惠，今次有超受歡迎嘅文青咖啡店、人氣車仔麵冰室、摩登泰國菜、正宗上海菜及高質大排檔小炒。唔單止咁呀，新界區嘅街坊有福喇，即日起至7月31日推出外賣自取新界區優惠碼，於指定餐廳消費滿$50，輸入優惠碼「NT10」*，即減$10！鍾意食開胃東南亞菜式嘅，用OpenRice外賣自取於指定餐廳消費滿$50，輸入優惠碼「SA10」@，同樣即減$10！優惠真係多到數都數唔晒～

當然唔少得新用戶優惠，首次使用OpenRice外賣自取，消費滿$40輸入優惠碼「NEW20」#都有得減$20！另外消費滿$80，下晝3點前落單輸入優惠碼「TA20L」或3點後落單輸入優惠碼「TA20D」，都可以減$20&嘅優惠亦延續至7月底！

牧羊少年咖啡館(全線分店) 全單75折

一間以旅遊為主題嘅咖啡店，相信文青們都對佢唔陌生。於港九新界都有分店，好方便，今次仲做埋全單75折優惠！食物方面沙律、意粉、薄餅、主菜、小食及甜品都有供應，千島海鮮薄餅好足料，餅底亦烘得香脆；炙燒荷蘭汁豬肉排選用豬嘅肉眼，脂肪少肉質嫩滑，加埋creamy嘅荷蘭汁，值得一試！個胃仲有位，不妨試埋佢地嘅是日蛋糕做甜品～

青悅(青衣) 午市指定食品85折 晚市指定食品75折

供應泰國菜及越南菜為主嘅餐廳，一次過滿足兩個願望！招牌河內燒春雞釀香茅黄薑飯，燒春雞燒至微脆，肉質嫩滑有肉汁，飯粒粒分明香茅香氣亦恰到好處。另外都推介生牛肉湯河，湯底夠味得嚟好清澈，重口味人士呢就可以食海鮮喇沙湯粉，椰香味極濃～鍾意香口嘢，小食如爆炸軟殼蟹、春捲、泰式魷魚粒炸蝦餅同蒜茸牛油脆香雞翼都啱晒你。提提大家，用埋東南亞優惠碼可以減多$10呀。

家上海(元朗、大角咀) 全單8折

主打傳統家常滬菜嘅上海小館，招牌菜有鐵板灌湯生煎包，生煎包底層好脆上層就好軟熟，一入口係滿滿鮮甜嘅肉汁！海鮮類嘅表現都相當唔錯，椒鹽小黃魚香脆惹味，但仲食到魚肉鮮味；淮揚韭菜軟兜都係另一主打，其實即係鱔，肉質結實有鱔味，醬汁亦唔會太濃。另外一系列上海甜品如高力豆沙、芝麻球、酒釀丸子等通通都有得食！

香港永年車仔麵茶冰廳(沙田) 指定食品9折

呢間車仔麵相信大家都好熟悉，沙田呢間就結合咗車仔麵及冰廳嘅概念店，除咗車仔麵外，仲供應港式早餐、炒粉麵、焗飯、小食及雞蛋仔等。招牌車仔大碗麵啱晒有選擇困難症嘅朋友，一碗有晒豬腸、魚蛋、蘿蔔、豬紅、豬皮、雞翼、雞翼尖、魷魚、紅腸及時菜，超豐富！晚市仲有中式小菜食，好似花膠雞煲，養顏又好味，最重要係唔使自己煮～

陳根記(沙田、大埔) 指定食品9折

於沙田紅極一時嘅大排檔，繼開埋去大埔後，而家連外賣自取都有喇。識食嘅當然必叫招牌WASABI手撕雞，WASABI令味道層次更提升之餘又唔會太搶，雞肉嫩滑，加埋粒粒蟹籽口感都好rich。另一人氣之選係蠔餅，蠔仔份量都幾多，而且粒粒飽滿，重點係蠔餅香脆得嚟唔油呀～潮式滷水拼盤、芥末沙拉醬燒骨、魚香茄子等都好受歡迎，有時懶唔想煮飯叫佢就啱。

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！  

仲等？按此立即落單

*新界區優惠條款及細則: https://bit.ly/3xHe2vj
@東南亞推介條款及細則: https://bit.ly/3qYYwrT
#迎新優惠條款及細則: https://bit.ly/3fs0rPo
&優惠條款及細則: https://bit.ly/33dOw4m