登登登凳！踏入12月，即係代表普天同慶嘅聖誕節要嚟喇～OpenRice外賣自取當然會推出更多節日優惠畀大家，等大家喺2021年最後一個月可以食好啲！講到聖誕節，當然唔少得同朋友開Party啦，唔想煮咁麻煩，一大班人叫派對套餐就最啱，今期推介五間餐廳，有京菜、西餐、日本菜及韓國菜等，選擇好多元化，不過要留意返要揀餐廳名隔離有標明派對套餐預訂嘅分店，先選擇到取餐日期、時間及地點呀。

今次仲要推出全新聖誕及除夕派對早鳥優惠碼「XMAS」#，只限用於派對預訂餐廳。另外仲有冬日暖笠笠優惠碼，用OpenRice外賣自取於指定餐廳消費滿$200，輸入優惠碼「WARM」@，可享全單8折 (最高折扣為$60)，喜歡打邊爐、烤魚、烤肉等嘅你就啱晒。另外仲有食勻18區優惠，用OpenRice外賣自取於指定餐廳消費滿$45，輸入優惠碼「EAT15」，即減$15！仲有Mastercard 「星期三及星期五驚喜優惠」^，消費滿$80即減$20，抵上加抵！

古琴雅苑 全線分店 冬至聖誕美食套餐78折

有無諗過聖誕Party都食到北京填鴨及多款京滬小菜？呢間京川菜館今個聖誕推出6-8人歡樂派對套餐、9-12人繽紛佳節套餐及13-16人普天同慶套餐～三個套餐都包括北京填鴨，選用上乘北京填鴨，以傳統掛爐烤製，皮脆肉嫩嘅烤鴨配上清新嘅青瓜、京蔥及哈蜜瓜、秘製蜂蜜黃梅醬同京醬，真係無得輸。另外仲有風味松子魚及醬香雞等。

茜廊餐廳 指定分店 聖誕套餐早鳥優惠85折

一大班人開Party嘅，可以試吓呢間港式西餐廳，聖誕套餐份量去到20-25人都有，早啲訂仲有85折優惠呀。食物方面選擇好多下，如香茅檸檬雞槌拼薯角、香草燒原隻三黃雞及黑松露牛肝菌雞肉嬉特式飯等。仲有啲泰式嘢如泰式魚餅及炸雞棗等，啱晒唔同人嘅口味。

千両 全線分店 低至89折

日本菜永遠都係香港人嘅comfort food，聖誕節又點少得呢～叫幾個刺身盛同壽司盛分享就最開心，海膽控必試馬糞海膽鮑魚聖誕盛合，海膽新鮮又鮮甜；鮑魚都好彈牙～鍾意拖羅嘅，吞拿魚壽司聖誕盛包括大吞拿魚腩、中吞拿魚及吞拿魚卷等。想款款都試啲，極上刺身聖誕盛及極上壽司聖誕盛幫到你！喺12月20號前落單可以享有早鳥優惠，派對套餐低至89折，打後都仲會有低至95折優惠，切勿錯過！

Canadian Pizza 全線分店 精選推介

一間口碑唔錯嘅Pizza專門店，一樣供應12-15人及25-30人聖誕套餐～套餐包括小食、薄餅、飯及意粉，薄餅口味都幾有特色，好似傳統泰式烤雞、D24榴槤菠蘿、松露雜菌及卡邦尼等，款款都好足料！小食方面有小食拼盤、烤雞沙律、香炸雞中翼等選擇。

NeNe Chicken 全線分店 精選推介

由韓國開過嚟嘅炸雞專門店，套餐包括多款韓式食物，如紫菜包飯層層疊燒酒蛋糕、海鮮嫩豆腐鍋、韓式炒粉絲、皇室豬肋骨、牛油果豆腐沙律、醬烤肉、韓式煎餅及炒年糕。當然唔少得主角炸雞，有原味、甜辣、蒜香醬油等口味，每一件都裹滿醬汁但外皮又keep到咁香脆，仲充滿肉汁，難怪咁受歡迎喇。

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！                 

仲等？按此立即落單

#聖誕及除夕派對早烏優惠：https://www.openrice.com/info/takeaway/tc-XMAS.html
@冬日暖笠笠優惠碼：https://bit.ly/3Ec98th  
$食勻18區優惠： https://bit.ly/3s6VSks
^Mastercard 「星期三及星期五驚喜優惠」：https://bit.ly/3GShHuS