話咁快就到11月啦，今期OpenRice外賣自取又有咩優惠呢？今次同咗4間人氣餐廳合作推出外賣自取指定優惠，包括韓國菜、西餐、新加坡菜同過江龍都有，最平低至全單7折～優惠仲未停㗎，今次有埋全新九龍區優惠碼，用OpenRice外賣自取於指定餐廳消費滿$50，輸入優惠碼「KL10」#，即減$10！另外以BoC Pay付款@，OpenRice外賣自取消費滿$8.1減$8！

另外仲有食勻18區優惠，用OpenRice外賣自取於指定餐廳消費滿$45，輸入優惠碼「EAT15」$，即減$15！仲有Mastercard 「星期三及星期五驚喜優惠」^，消費滿$80即減$20，抵上加抵！

Kim's Spoon(九龍灣) 全單7折

九龍灣呢間連鎖韓國菜其實除咗供應傳統韓國菜外，仲有唔少日式便當供應，款款都大份夾抵食！而家仲要做緊外賣自取全單7折優惠，韓式選擇有傳統拌飯、人蔘雞湯及純豆腐海鮮辣湯鍋配白飯等，最近天氣開始轉涼，飲完真係暖晒～至於日式選擇都好多元化，包括烤鰻魚極上便當、海鮮炒烏冬及日式餃子等。

Potluck Eatery(尖沙咀) 全單8折

口碑幾好嘅西餐廳，主打多國菜，今期做緊全單8折優惠，尖沙咀區返工嘅朋友放工去買就啱晒～外賣取同樣有2人及4人餐供應，2人餐包括招牌菜手搖秘製醬汁海鮮拼盤，有齊波士頓龍蝦、鮮鮑魚及紐西蘭青口等，香濃惹味。單點菜式牛油果醬蟹肉他他伴脆包粒、炭燒美國安格斯肉眼及卡邦尼黑松露片意大利粉都值得一試！

Chatterbox Café(尖沙咀) 指定食品8折

來自新加坡嘅過江龍，主打海南雞，雞肉先慢煮50分鐘，肉質嫩滑，而且已經去晒骨啖啖肉，點埋特製雞飯醬油、薑蓉同辣椒真係一流～食海南雞飯嘅油飯都係重點，油飯由雞油同雞湯煮成，味道鹹香，就咁食都可以食幾碗呀。今次就做緊文華海南雞外賣自取8折優惠，全隻都半隻都得，無論你係全家人定兩個人食都無問題。

星洲總廚(大角咀) 全單9折

大角咀嘅平民星馬菜，本身已經抵食，加埋而家全單9折又點可以唔食！招牌咖喱厚切豬扒飯係必試，豬扒脆卜卜好香口，香茅味突出，而且夠厚一啖入口真係好滿足㗎，配埋香濃嘅咖喱送飯真係一流。海南雞叻沙都係另一個受歡迎嘅菜式，海南雞嫩滑有雞味，湯底椰香味濃厚，唔算太辣，配埋索汁嘅豆卜真係一流！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！               

仲等？按此立即落單

#九龍區優惠： https://bit.ly/3AbD5YW 
@BoC Pay付款優惠： https://bit.ly/3CKKS0P 
$食勻18區優惠： https://bit.ly/3s6VSks 
^Mastercard 「星期三及星期五驚喜優惠」：https://bit.ly/3GShHuS