嚟到月尾，每日辛苦做嘢又未出糧點算好？梗係要用OpenRice外賣自取服務啦！唔使排隊，手機落單去到餐廳就可以即刻拎到心水食物，而且仲有齊中、西、日、韓多國菜式選擇，開飯仔再特別為大家揀咗四間有優惠嘅餐廳，用美食幫自己打氣同時仲慳返筆呀。
創意台式飲品店 一茶詞【全單8折】
近年台式飲品大熱，呢間能夠成功跑出就靠一個字：創意！招牌之一係烤棉花糖波波茶，上面鋪滿細細粒白雪雪嘅棉花糖，再烤至香脆，增加口感層次同甜度。另外仲有大白兔奶蓋茶，奶蓋有淡淡大白兔糖味，更加可以突顯茶香。
灣仔抵食Hidden Gem 金蘭花泰國菜【所有食品減$5】
夏天食酸酸辣辣嘅泰國菜就最啱，呢間餐廳開喺二樓，所以未必個個留意到，但其實口碑唔錯㗎。食開嘅碎肉生菜包、冬陰功湯、泰式咖喱等呢度應有盡有。比較特別嘅推介試臭草煎蛋同恐龍蛋（蝦膠包皮蛋）。最後食返份芒果糯米飯或者泰式南瓜燉蛋，大滿足。
分量十足西餐 瑪麗蓮美國餐廳【全單9折】
由旺角搬到太子，呢間多國菜餐廳依然保持到大份又抵食嘅風格，好似Lunch Set $70起就包扒連飯/意粉/薯菜、餐湯同飲品，Dinner Set亦係$90起。而且唔將貨就價，德國咸豬手、法國燒黃油春雞、紐西蘭羊架、美國肉眼牛扒等都係選用優質食材。
圖：tonyks81
原個椰子燉湯 椰小盅燉湯專門店【抵食套餐$71起】
各位打工仔女係需要飲返碗湯滋補下，但又無時間自己慢慢煲，呢間主打無味精嘅原個椰子燉湯店就幫到大家喇。唔同燉湯有唔同功效，例如織金竹笙烏雞椰小盅可以益氣養血、美容養顏，涼瓜黃豆子排椰小盅有助生津健脾、降火消暑。
仲等？按此立即落單
