第三波疫情爆發，飛唔到去台灣點算好？好在香港有唔少真·台灣過江龍餐廳，用OpenRice外賣自取就可以畀大家買返屋企慢慢嘆！加上部分餐廳仲有低至半價優惠，即日起至8月31號，首次落單滿$40即減$20*！另外消費滿$80， 下晝3點前落單輸入優惠碼「TA20L」或3點後落單輸入優惠碼「TA20D」，即減$20^！

►立即體驗：https://bit.ly/2ZTqNDb

 
台南百年傳統美食  度小月

品牌源起於1895年嘅台南，一開始只賣擔仔麵，後來發展成而家第四代經營，供應多款台灣料理。特別推介香港限定嘅三杯雞煲，三杯即係用⼀杯醬油、⼀杯⿇油，同⼀杯米酒慢火燉製雞肉，味道香濃。必食招牌菜仲包括黃金蝦捲、安平鮮蚵湯、櫻花蝦高麗菜等。

OpenRice外賣自取優惠：全單8折

 
人氣手工拌麵專門店  老媽拌麵

嚟自台灣嘅關廟麵品牌，品牌理念係回歸食材原味精神，麵條用古法手工精製，再以日光自然曬乾，絕無添加防腐劑。湯底同配料亦非常用心，好似川味紅燒半筋半肉牛肉麵嘅湯用花椒、八角、燈籠椒、辣椒等多款香料熬製，牛腩同牛筋就以慢火滷至入味。

OpenRice外賣自取優惠：全單9折

 
台灣珍珠奶茶始祖  春水堂

提到台灣美食點少得珍珠奶茶！而發明珍珠奶茶嘅就係當時台中一間春水堂嘅店長，到而家亦一直堅持古早味珍珠嘅大細同做法。除咗飲品，春水堂人文茶館亦供應多款台灣料理，好似紅燒牛肉麵、魯肉飯、金沙芋泥丸，仲有香港限定嘅甜品珍珠熔岩蛋糕呀。

 
師大夜市熱賣滷味  燈籠滷味

連夜市小食都有！呢間台式滷味專門店喺台北師大夜市起家，第一間海外分店就位於銅鑼灣，每日供應多款用上台灣總店祖傳滷湯滷製嘅滷味。外賣自取有「滷味在等一個人」(一人餐)同「我不願讓你一個人吃」(二人餐)，都可以自選配料同麵底，再加小食同飲品，夠滿足。

 
台灣直營香口炸物  巷口炸雞專門店

同樣係夜市小食，呢間炸雞專門店就喺台中發跡，香港店嘅材料有95%由台灣直送，希望大家食到同台灣一樣嘅味道！招牌炸雞有原味、塔香同醬蒜三款口味，塔香係指九層塔，雞肉用新鮮九層塔同辛香料醃製，所以連雞肉都有濃郁香氣。其他小食好似甜不辣、醬燒豆輪酥、醬燒米血都好有台灣Feel。

 
9款一人一鍋任揀  8鍋臭臭鍋

呢間臭臭鍋專門店喺台灣有多間分店，一人一鍋形式，湯底有八款常設口味同一款期間限定選擇，所以大受歡迎。招牌臭臭鍋加入台式臭豆腐，配料就有台灣貢丸、白豚肉、米血糕、豬紅等等。愛辣朋友可以食臺式麻辣鍋，或者相反唔鍾意臭豆腐同麻辣嘅亦有芝士牛奶鍋、蕃茄白豚鍋等選擇㗎。

除咗上述優惠，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～

仲等？按此立即落單

文：Cathy
圖：餐廳Facebook，餐廳提供

   
*迎新優惠條款及細則：https://bit.ly/3fs0rPo
^優惠碼條款及細則：https://bit.ly/33dOw4m
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas  
※圖片只供參考