七夕都過咗但天氣仲係咁熱，不如食返啲酸酸辣辣又惹味嘅泰國菜醒下胃！用OpenRice外賣自取有多間傳統或新派泰國菜館選擇，部分仲有低至半價嘅優惠，提埋你即日起至8月31日首次落單滿$40即減$20*！另外消費滿$80， 下晝3點前落單輸入優惠碼「TA20L」或3點後落單輸入優惠碼「TA20D」，即減$20^！

►立即體驗：https://bit.ly/2ZTqNDb

 
曼谷最佳食府  Nara Thai Cuisine

唔少香港人去曼谷玩必食嘅餐廳，連續10年被雜誌《Thailand Tatlet》票選為曼谷最佳食府。開到嚟香港必食船麵，湯底用牛骨、豬脊骨及筒骨加上十幾款香料熬湯，香辣濃郁。另有用新豬肉製作嘅菜式，最啱跑「素」。用OpenRice外賣自取六款精選菜式仲有半價！

OpenRice外賣自取優惠：指定食品半價

 
尖沙咀海旁酒吧餐廳  Namo Avant Thai Restaurant

呢間酒吧餐廳位於尖沙咀帝國中心地下，環境好Chill之餘食物亦有板有眼。今次用OpenRice外賣自取三款指定菜式：泰式紅咖哩配雞肉、羅勒葉炒雞肉，同香煎烤餅都有半價優惠！其他菜式亦有七折，可以試埋唔少人推介嘅泰式青木瓜蝦沙律同大蝦冬蔭功呀。

OpenRice外賣自取優惠：指定食品半價

 
泰國地方傳統美食  Mango Tree

同樣係泰國過江龍，呢間就主打傳統地道風味嘅泰國菜。菜單集合泰國北部、東北部、南部及中部嘅地道美食，好似坊間少見嘅招牌泰北燒雞、泰南青胡椒炒魚蛋等。而比較多食家推介嘅就包括泰式小食拼盤、大蝦炒金邊粉同黃咖喱炒蟹。

OpenRice外賣自取優惠：全單8折

 
銅鑼灣創意泰菜  Siam 28

呢間泰國菜雖然係樓上舖，但因為近港鐵站而且質素又高所以一樣多人捧場。菜式選擇多元化，而且兼具傳統同創意口味。好似今次OpenRice外賣自取獨家優惠嘅指定食品，就有齊黃咖喱、經典生菜包，同芒果煎糯米飯！煎過嘅糯米飯糰外脆內煙韌，一試難忘。

OpenRice外賣自取優惠：指定食品7折

 
荔枝角人氣小店  Thai-ger

裝修走清新風格比較似Cafe，加上有唔少泰式飲品選擇，好似椰汁冰、凍泰式奶茶或者龍眼冰都好爽。亦有供應泰式粉麵，招牌去骨海南雞唔單止食落啖啖肉，肉質仲夠嫩滑。重口味朋友可以試唔少食家推介嘅青咖哩，比常見嘅黃咖喱更香更辣㗎。

OpenRice外賣自取優惠：全單9折

 
街坊最愛抵食泰菜  小曼谷泰國美食

呢間泰國餐館喺九龍城、元朗同銅鑼灣都有分店，可以進駐港九新界係因為搵嚟泰籍大廚坐陣嘅菜式風味正宗之餘，仲分量十足好啱一班朋友或者屋企人開心Share！好似泰式拼盤有齊蝦餅、魚餅、春卷、雞棗，炸至金黃香脆又唔油膩。海鮮同咖喱都係推介呀。

除咗上述優惠，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～

仲等？按此立即落單

文：Cathy
圖：餐廳Facebook

   
*迎新優惠條款及細則：https://bit.ly/3fs0rPo
^優惠碼條款及細則：https://bit.ly/33dOw4m
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas  
※圖片只供參考