晚市開返，相信大家陸續約朋友食飯聚一聚。開飯仔提提你，而家食飯可以同時贏獎品嘅機會嚟喇，只要去指定餐廳用膳，就可以參加「密密食．密密賞」遊戲，有機會贏取Apple iPhone 13 Pro、TEFAL 特福 FX202D 氣炸鍋、人氣酒店禮品卡、餐廳專屬折扣碼等獎品。今次介紹其中6間日本餐廳，有Omakase、燒肉、居酒屋、串揚店等選擇，唔使飛都食到正宗日本菜。
【時令食材主題套餐】賀天 
餐廳主打高品質同高性價比嘅日式料理，食材每個禮拜從日本空運到港。店內有吧檯可以欣賞師傅手藝之外，更有榻榻米房，同可以帶埋寵物嘅露天平台！選擇從刺身、燒物、丼飯等一應俱全，如果心大心細唔知點揀，試廚師發辦就啱啦！唔好錯過佢哋嘅特飲，好似壹玖參以蝶豆花天然色素營造夢幻漸層，最啱打卡。
詳細介紹► 高性價比日本料理推介 空運新鮮食材製作串燒及廚師發辦
廚師發板精選時令七本壽司 • 磯煮鮑魚杯飯可以試到多款時令海鮮，松葉蟹肉佐魚子醬甲羅燒亦係熱賣菜式
【型格居酒屋食激罕串燒】SAKEH
鍾意食串燒送清酒嘅朋友仔有口福啦，呢間裝修走型格個性風嘅日式居酒屋主打稀有雞肉部位同時令海鮮串燒！打卡必點鳥之提燈，即係母雞輸卵管同剛好成形而未受精嘅蛋黃，唔容易搵到之餘，燒嘅時候都好講究師傅嘅手藝。週末更推出清酒放題，可以無限品嘗多款日本清酒，部分更係著名日本酒庄嘅季節限定清酒啊。
詳細介紹► 尖沙咀型格居酒屋 必食激罕串燒·週末任飲清酒！
坊間稀有嘅新鮮「鳥之提燈」，而海膽松葉蟹蓋甲羅燒亦係人氣菜式之一
【全港首間立食燒肉店】阿久根和牛立燒店 
想以大眾價錢嘆到日本頂級和牛，呢間立食燒肉店就有！餐廳定期引入日本各個產地和牛，最近就輪到宮崎和牛！點「和牛特盛」就可以食齊A4肉眼、A5西冷、A5肉眼、三角肋肉唔同部位嘅口感。另設外賣套餐「炭燒和牛組合二人前盛合」，好細心咁包埋一次性炭爐同木炭，喺屋企自己燒和牛都完全無難度呀。
詳細介紹► 優惠價食宮崎和牛烤肉 外賣Set送炭爐超方便
餐廳最近引入宮崎和牛，更推出方便外賣嘅炭燒和牛組合二人前盛合
【全海景親民價Omakase】鮨屋．天池
餐廳位於商廈23樓，坐擁一望無際嘅維港海景，仲有日本鳥居打卡位。主打Omakase，午市定價親民，晚市套餐就更為豐盛。細心在餐廳為咗盡量還原日本風味，特別從日本訂購當地嘅軟水；加上掌廚師傅們都有超過20年經驗，跟日本師傅學師多年，從刺身、壽司、燒物等等都做得夠地道。
詳細介紹► 日本地道味! 熟成拖羅·鰤魚 全海景食Omakase
Omakase刺身及壽司款式按當日新鮮魚材決定，不時不食
【大阪串揚過江龍】Jan Jan 串揚專門店 
灣仔店 / 尖沙咀店
呢間嚟自日本大阪嘅串揚專門店，顧名思義主打當地名物串揚，即係將食物串起、裹上炸衣然後炸至金黃酥脆而唔油膩。所有食材均由日本進口，不時更按時令推出廚師限定。串揚依從本店地道做法，再配搭埋秘製醬汁，無得輸。加上居酒屋氣氛熱鬧又Relax，係同三五知己相聚嘅好選擇。
詳細介紹► 地道大阪串揚！首間日本海外分店 香脆唔油膩
串揚選用日本進口食材製作，包括即開鮮蠔
小店由前米芝蓮推薦餐廳嘅壽司師傅班底開設，堅持選用日本空運到港海鮮，加上定價貼地，深受歡迎。最近仲推出期間限定2人餐，一個價錢試勻時令壽司、刺身、丼飯！而最近推出嘅春の新品亦非常吸引，雲の戀、翔の戀靈感嚟自花之戀，分別以厚切大拖羅、吞拿魚代替三文魚，再加上滿滿嘅海膽同魚籽，記得相機食先。
詳細介紹► 貼地價2人餐食盡壽司·刺身·丼飯 拖羅花之戀有優惠！
熱賣嘅刺身之外，用厚切大拖羅製作、充滿創意嘅雲の戀都值得一試
【豐州市場直送時令海鮮】彤
餐廳行政總廚有超過20年日餐經驗，另外幾位廚師都入行超過10年，從定食、鐵板燒、懷石料理、廚師發辦等，味道同擺盤都一絲不苟。食材更係每日從豐州市場直送！選用嘅食材會按四季更改，壽司飯醋亦經過改良，使用山吹赤醋配搭新瀉魚沼越光米，保持米粒Q彈微酸突出海鮮鮮味。
詳細介紹► 午市·晚市都有Omakase 豐州市場直送極豐富
選用食材均從日本豐州市場直送，壽司飯則加入山吹赤醋、微酸帶出鮮味
【日本買手加持Omakase】惠
Omakase即由廚師發辦，師傅嘅水準就好重要，呢間餐廳就由師承北海道米芝蓮二星廚師五十嵐信幸、精通江戶前及懷石料理嘅峻師傅主理，希望以料理職人嘅熱誠為客人呈現最極致嘅和食。Omakase另一精髓在於不時不食，因此餐廳有日本買手參與魚市場競標，第一手買入最靚嘅食材再空運到港，保證新鮮。
詳細介紹► 【Lunch爽嘆Omakase】日本買手入靚魚！師承米芝蓮師傅主理
峻師傅入行超過20年、師承星級名廚，從刺身到壽司均見水準
【唯美日系下午茶】花楽
西式下午茶就見得多，日式下午茶又試過未？呢間日本餐廳位於海濱長廊附近，採光度高加上花藝擺設已經好啱打卡。最呃Like嘅一定要數到佢哋嘅下午茶，堂食以鳥籠層架附上，有多款精緻西、日鹹甜茶點，同另一半或者閨蜜分享就最啱。估唔到仲可以外賣，以白色三層架裝住，帶返屋企輕鬆享受悠閒Tea Time！
詳細介紹► 日系下午茶 High Tea最「美」儀式感
多款刺身都從日本直送，大受歡迎嘅日式下午茶設有「花樂外送層層格」外賣版本
想知道去邊啲餐廳可以享盡更多優惠，記得要留意我哋之後嘅報道同Facebook喇。
密密食．密密賞
活動日期：2022年4月29日至6月9日
活動詳情：（按此）
