2月壽星仔嘅飯局應該如箭在弦喇～想食得開心划算，梗係要留意最新2月生日優惠啦！開飯仔搜羅咗自助餐、日本菜、越泰菜，務求各位壽星仔食得盡興。嚟緊會Keep 住搵多啲生日優惠畀大家，要記住留意喔！
#自助餐
城景國際Cityview酒店 4人同行．生日免費
呢間酒店嘅City Cafe 推出「4人同行生日免費」優惠，自助餐主題仲係「皇帝蟹．鮑魚．海鮮自助晚餐」，有鍾意食海鮮嘅壽星就最啱喇。而且逢星期一至日都有，4人同行，1位 2月生日客人就可以免費。
回本任食推介：冰鎮亞拉斯加皇帝蟹腳與雪花蟹腳、亞拉斯加蟹肉海鮮飯釀魷魚筒、金箔法式亞拉斯加蟹肉燉蛋、日式水蟹鮑魚粥、亞拉斯加蟹腳鮑螺絲清酒啫喱凍等。
每位客人更可獲贈「黄金焗釀野菌鮮鮑魚」一客。同場仲有美國及紐西蘭生蠔、布朗蟹、荷蘭藍青口、澳洲凍蝦、日式刺身等。
City Café -「皇帝蟹.鮑魚.海鮮自助晚餐」
供應日期：即日起至2月29日
供應時間：晚上6點半至9點半
#日本菜
稻八日式火鍋炸物放題 生日訂座送刺身蛋糕
生日梗係唔少得蛋糕啦，今年想畀啲新意不如試吓「刺身蛋糕」啦！稻八日式火鍋炸物放題推出免費送「刺身蛋糕」生日優惠，只要2月壽星同行，並預早一日或以上訂座、惠顧任何放題餐就即得喇，大埔、荃灣分店都有㗎！
必食推介：澳洲和牛、美國牛小排、刺身、自製炸串
圖：S2鐵板燒 生日送自家製芝士蛋糕&即影即有
想食飯送埋蛋糕，仲有呢間S2鐵板燒～只要生日客人同行，即送你樂師傅自家製芝士蛋糕一件及即影即有一張。客人仲可以自行DIY 蛋糕上嘅祝福語、圖案，建議先向店家訂座同落Order喔！
必食推介：店家樂師傅有豐富入廚經驗，主打各款鐵板燒同18層海膽杯。海膽杯係用足料刺身拼合成18層，鍾意食刺身就唔好錯過喇。
圖：#越泰菜
亞萊嘜嘜 (元朗店) 正日4人同行．全單8折
大班朋友慶生，揀越泰菜就可以叫多幾款小菜一齊開心Share～4人或以上喺壽星仔正日去亞萊嘜嘜 (元朗店)，散叫菜式就可以全單8折，食得愈多愈抵呀！
必食推介：招牌咖喱軟殼蟹、芒果蟹肉炒飯、泰式肉碎生菜包
圖：