臨近聖誕，應該有唔少大group細group開始約緊飯聚，而尖沙咀係大部分人嘅中間聚腳點，自然就成為約局嘅首選地方啦。位於廣東道同海防道交界，喺九龍公園對面嘅新港中心，有好多間食肆最啱大家相聚一齊慶祝佳節，中西式都有。仲要由即日起至12月31號，凡喺商場「指定」食肆消費，就有機會得到商場嘅購物現金券添呀！真係一舉兩得！

摩登點心     唐宮小聚

就咁喺外面睇裝修，仲以為呢間係西餐廳，但其實佢係一間時尚嘅中菜館。無論係裝修、格局定係食物造型同配搭方面，唐宮小聚都走在最前線。好似呢道「火冒三丈」，會喺客人面前即場點火，絕對係打卡嘅必然之選。錫紙裡包住嘅係盛鹽醃製大蝦，經火一燒，鹽、蝦融為一體，更入味。

 「黑白無雙」即係黑椒洋蔥雞煎包，黑色嗰面係竹炭，內餡有炒香過嘅雞肉粒、洋蔥、黑椒、鮮炒白芝麻。

 紅粉佳人（紅菜頭蝦餃）

唐宮小聚
地址：尖沙咀廣東道30號新港中心3樓303號舖
電話：31681362

傳統中菜       煌府婚宴專門店

主力提供傳統中式菜餚嘅煌府，最啱一家人或者公司同事一齊嚟，圍住張圓枱食，傾偈都方便啲，感覺又窩心啲。點心以外亦有唔令人垂涎嘅小菜選擇，例如「避風塘炒肉蟹」，用生蒜炒㗎，所以食落特別脆同香口。餐廳已經預先砸碎咗少少啲蟹殼，剝食都變得方便簡單，仲食得出好重鑊氣添。

 「彩椒燒汁燴原條牛肋條 」份量都唔少，牛肋條肉半肥瘦，師傅炆咗成四、五個鐘㗎，相當腍身，配埋甜酸醬食幾惹味。

 大師兄蜜餞一字叉燒

煌府婚宴專門店
地址：尖沙咀廣東道30號新港中心3樓307號舖
電話：34179888

推陳出新     Ruby Tuesday

唔好以為西餐就一定係咁食肉肉肉同埋肉，Ruby Tuesday係一間有素食選擇嘅西餐廳，照顧到一眾素食朋友嘅需要。就以佢哋嘅burger為例，呢個「素食漢堡」嘅造型同一般漢堡無異，但其實佢係用咗以植物製造嘅未來漢堡扒，配埋巨型蘑菇片同蒜蓉蛋黃醬而製成。

 招牌經典燒排骨（Fork-Tender Ribs）有經典同蜜糖燒烤汁兩款味道，採用秘製醬料，入口惹味。

 朱古力暖心蛋糕 

Ruby Tuesday
地址：尖沙咀廣東道30號新港中心3樓304號舖
電話：28920883

風味小籠包    鼎泰豐

將上海風味帶到台灣再到香港同世界各地嘅鼎泰豐，相信大家都唔會陌生。佢哋最出名嘅一定係小籠包，每個都經過打、揉、包、摺、蒸嘅手藝，麵皮均勻薄嫩、湯汁清甜。就連蘸點嘅醋油都好講究，建議醬油一份、醋三份。餐廳選用嘅仲係由台灣糙米製嘅100%純釀米醋，充滿糯米香味。

 「排骨蛋炒飯」蛋花均勻，加入蔥花拌炒，使之更為香口。排骨經過酥炸，邊邊微脆。

 鼎泰豐
地址：尖沙咀廣東道30號新港中心3樓306舖
電話：27306928

「秋冬暖意滋味賞」消費奬賞
日期：即日起 至12月31日
時間：中午12時至晚上10時
地點：尖沙咀廣東道30號新港中心1樓顧客服務中心(鄰近110號舖)
詳情：於新港中心指定「食肆」商戶以電子貨幣消費滿$500及讚好/關注商場社交媒體網站，即可免費換領「新港中心HK$50購物現金券」乙張。名額：共600份 （每日數量有限，先到先得，換完即止。）
詳情請參閱：https://goo.gl/131VD3

特約分享：新港中心