Party搵埋LINE FRIENDS同LE CREUSET做「朋友」

12月、party月！開飯仔等到頸都長，終於可以有藉口同fd子一齊開party！今次仲玩多少少，搵埋碰碰杯幫下手添！

嗯？咩叫「碰碰杯」？咪就係由7-Eleven便利店聯乘LE CREUSET加上LINE FRIENDS嘅新登場好物嚕！全套一共有8款，每隻有唔同顏色嘅LINE FRIENDS主角出現，杯蓋連杯身都見有LE CREUSET經典鑄鐵鍋，見到都心心眼啊！

BROWN 圓形鍋 、CONY花形鍋

CHOCO心形鍋、PANGYO圓形鍋

CONY花形鍋、BROWN 圓形鍋

CHOCO心形鍋、SALLY圓形鍋

Party food 配搭育成初體驗！

齋睇個杯都咁得意，開飯仔仲發現，碰碰杯唔止放嘢飲一流，擺埋嘢食入去、襯埋限定版餐具，效果仲perfect！以下幾個配搭大家不妨參考一下，第日開party嗰陣又可以試一試！

【藍色配】藍莓乳酪 x 鮮茄無水海鮮湯

拎住SALLY圓形鑄鐵鍋嘅藍色碰碰杯，用藍莓乳酪拼一拼，加少少士多啤梨做點綴，係醒神嘅～而主菜鮮茄無水海鮮湯都用埋LE CREUSET藍色淺底圓形鑄鐵鍋，簡直襯到絕！

【橙色配】甘筍粟米螺絲粉沙律 x 鴛鴦腸滑雞煲仔飯

跟住呢個，為咗match返橙色系嘅BROWN圓形鍋同埋焗杯，就咁買咗現成嘅螺絲粉沙律加埋甘筍絲、粟米粒攪埋一「杯」，再用埋LE CREUSET橙色圓形鑄鐵鍋整返個熱辣辣煲仔飯，得咗！

【黃色配】粒粒芒果布甸 x韓風南瓜燜豬軟骨

襯咗橙色同藍色杯之後，用埋「賣飛佛」嘅黃色PANGYO杯做個party food。將開好咗嘅布甸粉漿加入粒粒芒果肉，放入雪櫃雪一雪；食之前面頭放浸cream、加啲薄荷葉同埋檸檬絲，襯返個非常搶眼的LE CREUSET黃色鑄鐵鍋煮嘅韓式南瓜燜豬軟骨，出嚟嘅效果又幾靚啵！

睇完開飯仔嘅極速示範，係咪好心動想整返個呢？

想知用鑄鐵鍋點樣輕鬆炆豬軟骨、如何自家製簡單美味嘅煲仔飯、煲出原汁原味嘅海鮮湯，記得留意最後頁嘅【煮多啲~】小貼士啦！

另限量版「好friend派對餐具」由20/12起有得換啦~~~~只需要集齊5個印花，加$35即可換購一套，有齊LINE FRIENDS CHARACTER及LE CREUSET經典鍋具，公仔可拆出作為裝飾，集齊3套仲可以自由組合心頭好添！數量有限，換完即止架，快D換套黎開party啦~~

而想拎埋好friend碰碰杯返屋企，記住到7-11便利店集齊指定數量印花，儲齊一套！

換領詳情，可瀏覽：https://goo.gl/k7yGzC

---------------------------------------------------------------------------------------------------------------

【煮多啲~】

要成為party chef真係話咁易！以下同大家開心share上述三款主菜嘅食譜，睇吓邊款係你嘅perfect  match啦！

特約分享：7-Eleven便利店