香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
茶飲店同文青Cafe近年大行其道，愈開愈多，所以今年開飯熱店嘅菜式組別中，特意新增咗咖啡茶飲呢個類別。各位平時去開掃街或者唔同cafe打卡嘅朋友仔，睇下以下名單有邊間係你哋支持開嘅，記得投佢哋一票。
花藝主題Cafe 走過十萬八千里找到你
圖: foodiehkger
由專業花藝師設計嘅cafe，每一個角落都有唔同種類、顏色嘅乾花，對住咁多花花食飯真係心花怒放呀～食物選擇亦好多元化，糅合日、台、意、法菜，如法式蟹肉蝦膏汁扁意粉，醬汁充滿蝦膏嘅濃香味，除咗蟹肉仲有魷魚、蝦肉同蜆等海鮮，幾足料。另外日式鰻魚Risotto都推介，鰻魚彈牙有油香，意大利飯有咬口，配埋甜甜鰻魚汁、木魚花、紫菜絲及碟邊嘅芝士粉，果然夠fusion！
瑞士知名糕點師開設 Sour Dough
圖: chancka
由瑞士糕餅師開設嘅餐廳，所有麵包勻以培育咗30幾年嘅酸種發酵以成，好厲害～餐廳主力供應多款軟包及薄餅等烘焙品，必食招牌煙燻牛肉酸菜三文治，麵包外脆內軟幾有口感，煙燻牛肉紅嫩軟稔，鹹香味濃郁，配搭埋半溶芝士、酸瓜、酸椰菜絲同千島醬一齊食，味道好夾又中和到膩感！Sour Dough Crisps都好人氣，將酸種麵包切薄片然後加上蒜蓉、香草碎、橄欖油等配料再烘烤，香脆又惹味。
清新簡約白色咖啡店 Heart Coffee
圖: tinyyspark
一間以白色為主調嘅餐廳，喺呢度食嘢真係幾舒服㗎～推介牛油果蟹肉意粉，牛油果切成粒粒狀，食意粉時仲食到粒粒牛油果，口感豐富，而且仲有股檸檬清香，健康又好味。手撕慢煮鴨腿肉配水煮蛋都值得一試，香濃嘅鴨肉配上流心蛋漿，再加埋酸種麵包食，好滿足。
養生天然健康茶品 好茶養生
圖: hun9gry
主打多款養生天然健康茶品及功效養生茶包，啱晒平時太繁忙嘅都市人！所有食材純天然零添加，無人造色素亦唔加防腐劑，如桂花雪梨茶，味道帶有菊花清香甜味自然，仲有清肺養肺、止咳化痰功效。蘋果美顏茶有蘋果片、紅棗片同乾玫瑰花，滋潤生津啱晒女仔飲～
逮丸芋頭牛奶系列 茶茶Go
圖: 鍾意芋泥嘅朋友留意喇，呢間來自台灣嘅茶飲品牌，招牌為黃金比例逮丸芋頭牛奶系列，有1、2、3號選擇，分別為黑珍珠、芋圓同黃金珍珠。飲品由大甲手工芋泥及初鹿牧場鮮乳組合而成，大甲芋泥唔使講，香濃又幼滑，牛奶香氣都好足。另外仲有芋泥肉鬆盒子都好吸引，由最上層嘅肉鬆、 芋泥味嘅cream、薄薄鬆軟嘅蛋糕同大量芋泥，真係見到都心心眼。
另外5間入圍嘅咖啡茶飲包括孖啡、婆婆珈琲屋、Espresso Alchemy、NUTTEA及廢茶，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。 投票期內完成兩個投選組別的參加者即可自動參加*大抽獎，贏取豐富獎品！
活動詳情（按此）
立即投票（按此）
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
