Return Coffee House參加了「餐桌里程︰料理．好．空氣」，設計了兩款以本地食材入饌的菜式，以行動支持減少食物里程。「火炙芝士炒蛋大啡菇」以本地厚身大啡菇入饌，厚身之餘不失鮮味，配上香滑炒蛋及微微烘濃了的芝士，絕對是色香味俱全。Return Coffee House負責人Day Ng分享：「唔少客人都試得出個分別，本地菇真係juicy好多。」

至於「特調紅菜頭醬三文魚貝果包」，則利用本地有機紅菜頭特調配出滋味醬汁，粉紅色搶眼之餘，口感猶如吃蟹籽沙律，感覺清新。Day 指考慮到不少人抗拒紅菜頭的味道，因此將紅菜頭打爛，再混合秘製醬汁，減少青澀味。

他直言要支持本地食材，並非易事，始終要考慮成本，但衡量過後認為值得一試，「當然從生意角度，賺嘅利潤唔多，不過我哋亦覺得幫到本地農夫係一件好事。」同時他亦認同減少食物里程，除了支持本地農夫外，減少運輸距離，亦有助幫輕空氣污染。

但他指出本地食材及食物里程在很多港人眼中只屬虛名，「好似本地依個名好多含義，慢慢地香港人就對依個名習以為常，好似本地烘焙，只會諗即係香港炒嘅豆，而唔會去諗本地烘焙嘅好處，例如可以因應客人要求調製不同口味，質量會更好。」他解釋食物里程亦如是，並希望藉今次的參與，幫助推廣食物里程的概念，更希望政府除了多教育外，也要給予本地農夫一個專業認證。

Return Coffee House
地址﹕觀塘鴻圖道43號鴻達工業大廈地下2A號舖
電話﹕3590 9367
營業時間﹕星期一至五( 08:00-19:00)、星期六(10:00-19:00)、星期日(全日休息)、公眾假期(10:00-19:00)

減少食物里程Air Facts:
• 平均每日就有約140架五噸半貨車在馬路上來往運送食物，排放近2, 000公斤氮氧化物
• 減少跨區購買，多步行或踏單可直接幫助改善空氣質素、令身體更健康

為嚮應Jamie Oliver 年度Food Revolution #為食起革命 活動，健康空氣行動 (CAN) 與Go.Asia 愛心起動合夥推出 Healthy Food‧Healthy Air  料理‧好‧空氣，籌備多項活動讓公眾參與，實行以行動力爭本土健康食物及潔淨空氣。(www.foodair.asia)

※上述內容純屬作者個人意見，不代表本網立場。※