熊本縣出名水源純淨，土地又肥沃，所以識買一定買農產品。首推三款熊本米，包括香甜煙韌嘅JA熊本縣熊之力米、曾被評選為最高「特A級」嘅熊本森林小熊米、粘糯富米香嘅熊本熊日光米，單係包裝已經萌爆！另外亦都有熊本袋裝小甜薯，甜而不膩，買得過！
■（由左至右）熊本森林小熊米、JA熊本縣熊之力米、熊本熊日光米
■ 熊本袋裝小甜薯（只限康怡、黃埔、九龍灣、荃灣及荔枝角店有售）
場內亦有賣幾款日本酒，例如熊本純米酒、熊本芋燒酌、纖月米燒酌等等，最cute肯定喺熊本熊特濃乳酪酒，喺純米燒酒加入乳酸，酒色雪白，飲落更香濃，連埋盒發售，送禮至啱！
■（由左至右）熊本熊特濃乳酪酒、熊本純米酒、熊本芋燒酌
麵食除咗100%用本縣小麥粉製作嘅蕎麥麵、冷麵，仲有宵夜必備嘅即食烏冬，包括免治雞烏冬、腐皮鳥冬等等。至於用Kumamoto「全面」示人嘅五木炒麵，亦值得入貨。
■ 麵食一共有蕎麥麵、烏冬、素麵同冷麵。
■ 即食烏冬有四、五款可以揀。
■ 五木炒麵
若然未掃夠，仲有牛奶、果汁、茶包、曲奇、糖等畀你繼續放血。今次個商品祭去到下星期就完，想入手就要快喇！
■（由左至右）熊本熊阿蘇天然水、熊本縣蟠柑果汁、九州大阿蘇牛乳
■ 小熊獸草莓曲奇
■ 糖類亦有唔少款式。
■ 熊本熊茶包
■ （由左至右）熊本熊雞蛋飯素、熊本熊鰹魚飯素
Info
活動日期：即日至11月24日
詳情：www.aeonstores.com.hk
文：fi
隨時接收最新資訊
讚好OpenRice專頁！
