海龍王餐廳
呢度嘅四菜套餐係素食嚟嘅，碟碟都有海綿寶寶個嘜頭，好似杯「芒果慕絲伴雲呢拿雪糕及鮮果」咁，成件mousse就正正係海綿寶寶嚟喇。咁cutie，啲童心即刻返晒嚟啦。而小朋友嘅「兒童餐」就cute，成架車裝滿玉子沙律、菜同野菌螺絲粉，仲有多杯Haagen Dazs，小朋友食得開心之餘家長又可以放心啦，呢個餐咁健康。
冰極餐廳
想食香口啲嘅有「厚燒玉子咖喱配絲苗白飯」，黃色嘅海綿寶寶已經完美植入咗落啲玉子度嚕，想豐富啲呢又有「焗有機南瓜茄子腐皮卷伴鮮茄蓉」，一件腐皮卷包住好多料㗎。
水都餅店
有鹹食當然唔少得甜食啦，去水都餅店就可以食到布甸同蛋糕，件件個樣都咁靚，我唔識揀喇，嗚呀，就算揀咗都唔捨得食。另外仲有個期間限定嘅芒果慕絲海綿寶寶蛋糕添，有成兩磅重㗎，都係嗰句，唔忍心對住佢開刀呀！
海濱樂園
想爭取時間玩多啲，一路行一路食嘅，去小食亭啦，一樣有海綿寶寶。仲係用個靚靚桶裝住嘅添，有啲桶係蔬菜春卷同咖喱角等等素食，有啲係牛油曲奇。個桶食完洗乾淨仲可以拎走添，係開心嘅。
文：Kar
隨時接收最新資訊
讚好OpenRice專頁！