夢幻粉紅棉花堡呢個甜品同個名一樣咁Fancy，底層係幼滑奶凍，然後逐層放上新鮮士多啤梨、脆脆粟米片、酸酸地嘅乳酪同草莓雪糕，最後加上甜蜜嘅粉紅色棉花糖，少女同老少女都Like！
而草莓浮冰梳打就先用果醋同新鮮士多啤梨造成微酸雪芭，加上梳打後，粉紅色雪芭會隨住氣泡慢慢浮上嚟，每啖都有唔同嘅酸甜Sparking滋味。
怕凍唔敢飲凍飲？仲有熱嘅棉花糖可可，暖手之餘，香甜嘅熱可可飲落亦都暖入心。而且頂部嘅棉花糖同忌廉夢幻到令人諗起韓國初雪嘅溫馨情節之餘，亦令熱可可更加香滑可口。
「戀雪韓冬」新品即日起開始供應到2016年1月下旬，想品嘗呢份冬季甜蜜就要注意啦。
隨時接收最新資訊
讚好OpenRice專頁！
