【餐飲券優惠】大閘蟹主題餐廳推介豐盛蟹宴買一送一、極品魚翅蟹皇宴低至7折

10月又係食大閘蟹嘅季節喇，各位蟹迷準備好出動未？今期介紹幾間以大閘蟹做主題嘅餐廳畀大家，有米芝蓮推介餐廳推出嘅極品魚翅蟹皇宴、以蟹肉及蟹粉入饌嘅主題套餐及大閘蟹+龍蝦海鮮蒸氣鍋餐，全部而家經OpenRice買餐飲券都有優惠，最平低至46折，手快有手慢冇呀。

極品魚翅蟹皇宴豫園 

米芝蓮推介餐廳推出嘅極品魚翅蟹皇宴，包括蟹粉魚翅、清蒸大閘蟹 (約五両)一隻、蟹粉拌麵、清炒時蔬、蟹粉灌湯小籠包同薑茶湯丸，夠晒矜貴，帶父母嚟，孝敬佢哋就最啱喇。

大閘蟹．淺嚐 2人餐東海薈

好抵食嘅大閘蟹二人餐，折後只係$728就食到，啱晒想淺嚐嘅朋友。套餐除咗清蒸大閘蟹，仲有蜜糖叉燒併青瓜、鮮拆蟹粉小籠包、姬松茸燉螺頭湯同頭抽美極大花蝦等招牌菜共8款，食完肯定會捧住個肚走。

「蟹之約會」盛宴 海雲天

如果想食唔同國家嘅特色「蟹」菜式，呢間餐廳就啱晒你。有西式芝士焗蟹蓋、上海嘅蟹粉獅子頭同京式小籠包、新加坡嘅星洲黑胡椒蟹同日式櫻花蝦蟹肉撈烏冬都有得食，大滿足。最緊要係有買一送一呀。

金秋大閘蟹宴 紫粵軒

鐘意傳統中菜，可以試下呢間粵菜嘅蟹宴，包括黃金大閘蟹蓋伴醬油蘿蔔、蟹粉蟹肉扒豆苗同砂鍋薑米蟹粉炒飯，每位仲有3隻大閘蟹呀！係每位3隻啊，夠晒滿足，蟹粉味好香濃。

「四」海昇平大閘蟹套餐 麻辣風雲

大閘蟹唔係淨係得一種食法嘅，今年呢間餐廳繼續為大家送上甘香爆膏大閘蟹，蟹約重四至四両半，並設有4種口味，除咗清蒸、鹽焗、香辣，仲有黃酒當歸口味，用上當歸、桂皮、枸杞等食材製成，蟹味濃郁之餘帶淡淡酒香。

150分鐘大閘蟹＋龍蝦海鮮蒸氣鍋餐緣味小聚

有咩開心得過一邊食大閘蟹一邊烚下烚下？呢個大閘蟹+龍蝦海鮮蒸氣鍋餐每位包咗爆膏大閘蟹4隻，仲有厚肉龍蝦、蘇格蘭蟶子皇、鮮鮑魚同M5和牛等，咁多位海鮮控雙眼發晒光啦。

星級大閘蟹套餐王子飯店 

呢間餐廳主打新派粵菜，出品唔用味精及人造色素。今年推出嘅星級大閘蟹套餐包括生拆蟹粉小籠包、生拆大閘蟹粉燴魚翅、清蒸大閘蟹一隻及阿拉斯加蟹肉濃蝦湯稻庭麵，另外仲有酒香鮮鮑魚及西班牙伊比利亞黑毛豬叉燒等菜式，款款都好吸引。

文：Yanica