生日一年一次，唔想喺屋企落手煮飯都明嘅，除咗可以用OpenRice外賣自取服務有超抵優惠外，想抖吓氣揀間有生日優惠嘅食肆亦得。為咗健康著想，外出時都要記住戴口罩、勤洗手，香港人齊心抗疫！
Bostonian Seafood & Grill 免費送半打生蠔 
呢間高檔美式扒房已經開咗20幾年，有精釀啤酒酒吧、主餐區同私人廂房，想準備個驚喜有派頭嘅生日飯就預早訂廂房喇～嘢食就以精緻西餐為主，可以食到手工乾式熟成牛肉、勁大盤時令海鮮、烤肉美饌。擺盤夠靚，食前一定要自拍影張相先。
圖：Kan Lee
圖：優惠券：生日客人於晚餐時段，憑券可免費獲贈一份(6隻) 時令生蠔
CHEF STAGE de Eddy Chu OpenRice訂座送寫名甜品
尖沙咀港鐵站一出行2分鐘就到，係間喺19樓嘅靚景西餐廳，完全係一邊飲紅、白酒；一邊鋸扒嘅氣氛。由餐湯到甜品都相當精緻，唔少人鍾意食海鮮拼盤，份量款式都好豐富，想食餐浪漫生日飯就啱喇。
圖：小GRA
圖：3月生日優惠：生日即送寫名甜品
優惠券：經OpenRice 訂座憑券享全單半價
Chalet 送自選甜品＋免費寫祝福語
係以瑞士小木屋為藍本嘅西餐廳，有格調嘅小木屋門口好吸睛，一眼就見到。主打高級西式料理，半熟吞拿魚伴三文魚子、北海道蟹肉意大利飯、西班牙烤乳豬都好推薦。生日就有自選甜品送，記住提早向店家說明祝福語內容，畀壽星驚喜喔！
圖：Co兒女
圖：優惠券：憑券生日客人享用午餐或晚餐，即可獲贈自選甜品一客及寫生日祝福語
Plato Cafe & Bistro 送蛋糕一客及寫生日字句
油麻地樓上Cafe 環境好坐，以醒目美國海報畫風做主題，情侶或一班朋友嚟食都好啱。菜式都奉行美國風夠大碟，想鋸扒又想食德國豬手、Burger同意粉，三五知己叫幾款一齊Share食都得。推介德國脆皮鹹豬手、黑松露牛面頰肉意大利飯同龍蝦汁大蝦意大利飯。
圖：雪人人
圖：山區麵包王
校長燒肉 放題人頭88折
心大心細揀唔到食咩，可以揀有齊刺身、烤肉同打邊爐嘅校長燒烤。呢度有刺身區、燒烤區、火鍋區、熟食區、甜品區和酒類區等9個區域任食，最抵係啤酒、清酒都任飲，想飲飽食醉傾計最啱～只要兩人或以上同行，並揀含刺身嘅放題時段，壽星仔就有88折喇。
圖：zi1217
圖：3月生日優惠：惠顧含刺身放題時段，該位生日顧客享人頭88折
