生日一年一次點都要食好啲，但食好啲唔一定係貴啲呀，睇定有咩餐廳推生日優惠，食得抵之餘，有時仲有好嘢送𠻹！即睇7月生日有咩著數啦～
香港愉景灣酒店 越多人越抵食
呢度遠離市區，飯後仲可以喺附近散步睇吓風景，真係放鬆唔少。酒店內嘅Café bord de Mer＆Lounge 樓底高，又有大玻璃睇海景，好啱一大班人Chill 吓。西式晚市套餐嘅生日優惠，越多人食越抵。如果9至12人有多重優惠，包括生日客人免費、全單85折、送1磅鮮果生日蛋糕同葡萄氣酒1支。
圖：
圖：生日優惠：2至3位惠顧西式晚市套餐，享全單75折；
4至8位，享生日客人免費、全單85折及葡萄氣酒1支；
9至12位享生日客人免費、全單85折、1磅鮮果生日蛋糕(需預訂)及葡萄氣酒1支
(葡萄汽酒只適用於已成年的生日客人，優惠只限最多12位用膳)
悅來酒店 夢幻花花餐廳送生日切餅
荃灣悅來酒店最近新開價錢親民嘅Simplicity (簡·味)，環境用花花藝術風格佈置好夢幻。嘢食方面就由酒店西廚同餅廚主理，主打輕食主菜、沙律同精緻甜品，鍾意香口啲嘅有軟殼蟹温泉蛋蟹籽牛肉漢堡，健康嘅就有羽衣甘藍珍寶帶子意大利粉等等。生日送切餅同生日牌，好啱閨蜜影相打卡。
圖：BlueLaam
圖：nlit
生日優惠：凡於生日月份消費滿HK$300及出示身份證，即送切餅連生日牌各一件 (須於3天前預訂)。
發哥粥底海鮮火鍋 1位免費食！
成班朋友食生日飯，粥底火鍋就好啱喇。主打海鮮粥底火鍋，將海鮮精華都滲入粥底，勁鮮味。而家每5位即送1位免費，呢個價錢食海鮮真係好划算。
圖：
圖：kk317
生日優惠：每5位即送1位免費
醉翁亭 半價／免費無限時任食
鍾意打邊爐嘅話，仲有任飲任食揀。呢度打邊爐必食嘅肥牛、海鮮、滑類等都有齊，成班朋友邊食邊傾計就啱喇，每個人都一定揀到自己鍾意嘅嘢食。而且仲係無限時，壽星仔女有半價或免費優惠呀。
圖：
圖：ivypigz
生日優惠：3至4位惠顧，生日者可獲半價優惠；5位或以上(1位生日者)，生日者可獲免費優惠；5位或以上惠顧(多於1位生日者)，生日者可獲半價優惠