日元兌港元匯率維持靚水平，但未有假期又想過吓口癮，留港都有唔同選擇，而呢兩間餐廳，一間主打和牛，一間主打刺身同卷物，用埋OpenRice訂座預付優惠嘆二人餐，撐枱腳就更加開心呀～

極上和牛の饗宴64折（尖沙咀）

尖沙咀呢間餐廳走簡潔日式裝潢，有榻榻米座席，亦有吧枱座位，可以一邊欣賞師傅手藝，一邊嘆有10道菜嘅「極上和牛の饗宴」。

日本海膽魚子醬和牛他他（左）、季節刺身（右）

套餐先上日本海膽魚子醬和牛他他同季節刺身，前者現時選用北海道紫海膽，令和牛更加鮮味滑嫩；後者則每星期轉換款式，拍攝當日有中拖羅、油甘魚同北海道帶子，每款都厚身，好足料。

時令和牛燒肉三款

厚切澳洲和牛舌芯（左）、仙台牛柳（右）

主菜嘅時令和牛燒肉選用日本唔同地區嘅高質和牛，如熊本三角腹肉、熊本和牛牛肋肉、仙台牛柳等。另外仲有固定款式，包括厚切澳洲和牛舌芯、蒜味醬油漬和牛草肚。呢款牛吞嘅脂肪比例較高，口感爽嫩。而草肚即係牛嘅第一個胃，食落有啲似豬頸肉，用特製醬汁醬漬後味道幾香濃。然後嘆野菜三款、冷盤日本海參酢物解油膩感，就可以試下一道菜喇～

黑松露日本和牛海膽卷

燒日本地蜆

師傅用是日日本和牛，如西冷、肉眼等肥美部位配上新鮮黑松露同海膽做成卷物，有油香之餘，海鮮嘅鮮味同菇菌香氣令和牛味道更有層次。另外海鮮料理則有機會供應蜆、帶子等，讓食客每次嚟都有新鮮感。

味噌和牛小腸煲仔飯

嚟到尾聲，湯品同食事都係以和牛入饌！和牛番茄湯同味噌和牛小腸煲仔飯好暖胃，牛小腸汁煮後脂肪會融化，唔會好肥膩，再浸一晚至入味然後做成煲仔飯，唔多地方食到㗎。甜品方面有季節雪糕，亦可以選擇加$20升級轉果味雪葩。

三郎。燒肉  
地址: 尖沙咀中間道15號H Zentre地下3號舖

「極」日式刺身卷物二人套餐85折（銅鑼灣、荃新天地、荃灣千色匯I、尖沙咀、觀塘）

如果想有特別嘅視覺享受，7道菜嘅「極」日式刺身卷物二人套餐就啱你喇，而且套餐提供多款菜式畀你自由組合，咁一定啱你口味啦～

五品刺身拼盤

刺身拼盤包括三文魚腩、帶子、劍魚腩、赤蝦各二片，以及活赤貝1隻，款式多又切合大眾化口味。

海老天婦羅（左）、清酒煮蜆（右）

前菜、沙律同天婦羅及炸物，每項都可以2款之中揀1款，其中海老天婦羅香脆彈牙，清酒煮蜆則濕潤爽口。另外仲有仙台牛舌煎、炸軟殼蟹等選擇㗎～

餐廳推介卷物：火山

創意卷物：紅龍卷

餐廳嘅招牌菜之一創意卷物有3款口味畀你揀：紅龍卷、火山或彩虹。火山口味就最IG-able，因為上菜時店員會即席「點火」！呢款卷物以帶子、青瓜、牛油果同蟹柳製作，加上醬汁同蟹籽後鹹香惹味。

牛肉壽喜鍋

鍋物都可以2選1，有牛肉壽喜鍋同豬軟骨野菜鍋，照顧唔同食客口味。兩款都大大鍋，亦有唔少蔬菜，整個套餐飽肚之餘又滿足鍾意均衡飲食嘅朋友仔。

倭櫻出羽燦々純米吟釀

想盡興啲仲可以加$40將飲品升級為清酒（一壺250ml），小酌一番就更加chill啦～

古今 / 古今二  
地址: 觀塘觀塘道436-446號觀塘工業中心4期1樓B室

主持：Nicole

文：Cathy
相：Michael
片：YanYan