牛油果一直都有好多fans，皆因佢有極高嘅嘅營養價值，含維他命E有抗氧化功效，而且大部份都係不飽和脂肪，只要唔吸收過量，對身體有好多好處㗎。香港近年都有唔少餐廳以牛油果為主題或供應牛油果菜式，配搭仲要千變萬化，有時唔想食咁多肉，食牛油果絕對係一個健康又好味嘅選擇呀～

牛油果忌廉汁扒大蝦意粉 Coffee Talks  

呢間餐廳係由兩位超熱愛牛油果嘅老闆開設，佢哋更聲稱自己食牛油果多過食飯！餐廳供應多款牛油果菜式，如牛油果忌廉汁大蝦意粉、牛油果蟹肉車厘茄比薩同鮮牛油果牛奶沙冰等。招牌牛油果忌廉汁大蝦意粉，意粉食落有牛油果獨有嘅香味同少少蒜味，食落一啲都唔漏，上面鋪滿左4隻大大隻嘅乾煎蝦，非常鮮甜～牛油果蟹肉車厘茄餅底好薄脆，有啲似食緊Nacho；飲品當然要飲埋足料嘅牛油果牛奶沙冰先至圓滿！

圖: 山區麵包王

自家製牛油果雪糕 Verde MAR 

由墨西哥大廚主理嘅牛油果主題餐廳，食物正宗多選擇，同埋供應多款自創牛油果菜式！包括牛油果配粟米餅、炸牛油果條、牛油果蘋果Pancake同牛油果漢堡三部曲等，Tacos味道夠晒傳統，炸牛油果條香脆有牛油果香，做小食一流～鍾意打卡嘅，仲有呢個自家製牛油果雪糕，用上杏仁奶製作，口感幼滑，中間係模仿牛油果核嘅芒果醬，味道酸酸甜甜好開胃！

圖: meiyin129

花花造型牛油果多士 Rings Coffee

美好嘅一日由一份豐富嘅早餐開始～牛油果多士係最受歡迎，多士上係太陽蛋、牛油果醬同超靚嘅牛油果花，少啲心機都整唔到。牛油果新鮮熟成程度啱啱好，加埋七彩繽紛嘅蔬菜同流心蛋，健康又好味。

圖: Lambebe

倫敦過江龍主題餐廳 Avobar

來自倫敦牛油果主題餐廳，餐廳係全球首間海外分店，全部菜式都以牛油果入饌，牛油果控一定要試。招牌菜式包括牛油果龍蝦漢堡及終極牛油果多士等，牛油果龍蝦漢堡好鮮甜，估唔到咁夾；終極牛油果多士有牛油果片、牛油果jam、牛油果醬等，各有唔同味道同口感！最後當然要食埋個牛油果tiramisu喇～

圖: ericalo12

打卡花草主題cafe Floom Floom

尖沙咀樓上咖啡店，主打和風洋食，亦有供應多款牛油果菜式。如沖繩 · Taco飯加入牛油果、墨西哥肉醬及Nachos，大量沙律菜可以中和膩感。仲有秘製牛油果忌廉海鮮意粉，每一啖意粉都係香濃牛油果味呀；另外牛油果蟹棒帶子刺身溫泉蛋飯感覺同平時食魚生飯幾似，好有特色！

圖: karenjimjim.yum

文：Yanica

【OHealth!】 牛油果篇

牛油果5大功效！有助減磅及抗老化 (傳送門按此)
5大貼士！果檔檔主教你揀牛油果 (傳送門按此)
歪歪實試！尖沙咀牛油果主題cafe 釀春雞/汁煮意粉 (傳送門按此) 
輕鬆食譜跟住整 牛油果兔兔油揚Taco (奶素) (傳送門按此)
坊間流傳4種牛油果食法 即場實試邊款最好食 加納豆竟然唔係最伏？(傳送門按此)