親，屬於情侶嘅放閃節又嚟啦！單身族，一個人，又如何？有咩好怕喎！雖然今年大條道理可以留喺屋企「避炎」、「避閃」，但如果「無飯家族」嘅朋友，開飯仔陪你……搵幾間好啱一個人開餐嘅餐廳！
足料蝦湯拉麵 緣屋 札幌元袓蝦湯拉麵
圖﹕香港咁多間拉麵店，點解呢間特別啱一個人食呢？全因餐廳絕大部份都係「面壁」或者bar台嘅單人位！一個人食都唔怕要同人搭檯、面對面食咁老尷~另外，呢間拉麵店主打日本直送嘅甜蝦頭熬煮湯底，重口味嘅朋友就要試下味噌蝦濃湯拉麵啦，超有蝦味嘅湯底，鮮甜之中又有味噌濃郁嘅香味，飲晒成碗湯都唔覺口渴先最厲害！
文青茶品café TEA HUB
圖﹕想安靜享受一個人嘅時光，呢間清新嘅文青café絕對係不二之選！一如其名主打各式茶飲，無論係中國潮州烏龍茶、泰式拉茶，定印度阿薩母紅茶都有。而且提供一人份嘅茶食套餐，以茶入饌，有茶漬飯、茶湯麵，再慢慢飲埋杯茶，悠悠閒閒就一個下晝/夜晚啦~
一個人食石燒牛 神
圖﹕邊個話一個人唔可以鋸扒？！呢間石燒牛餐廳提供牛柳、西冷、安格斯等，位位一塊鐵板就可以自己食自己。牛肉juicy，而且可以按返自己喜好，鍾意食幾成熟都冇問題。仲有無限任添白飯、沙律，好好享受一個人的浪漫啦。
寂寞有如一口牛扒 Pepper Lunch
圖﹕soya1314
每年都會有餐廳推出情人節一人餐，呢間連鎖餐廳今年就第一次推出嘞！「我現時自己肯做飯」餐，呢個餐冇嘢多，最多就係一粒粒粉嫩嘅一口牛扒，有名堂架，叫「寂寞有如一口牛扒」，軟腍得嚟又有肉汁，仲有菜有粟米有嘢飲，唔算寂寞啦~
供應日期： 2月14日-2月16日
文﹕Kiko
編：Kar