講到亞洲美食真係多到數都數唔晒～今期繼續介紹多間亞洲美食畀大家，有三間都係香港人最愛嘅日本菜、新加坡人氣過江龍及主打炸雞髀嘅港式小食，一於買返屋企慢慢嘆！

三多 (荃灣、粉嶺、屯門) 指定食品8折 

由大埔小店做到有咁多分店認真唔簡單～必食嘅當然係名物招牌生炸雞髀，雞髀大大隻份量十足，而且新鮮即炸皮脆肉嫩，juicy得嚟又唔會太油～仲有得揀原味、小辣、中辣或大辣4個味。就咁食隻髀唔夠，可以試埋生炸雞脾配濃汁芝士撈公仔麵，芝士汁唔會太杰身又夠香濃，撈埋公仔麵真係好惹味呀。

Chatterbox Express (太古) 指定食品8折

來自新加坡嘅人氣過江龍，除咗招牌海南雞飯，其他菜式都一樣咁出色㗎。好似星洲海鮮炒貴刁，上枱時已經有濃濃醬油香，配料有大蝦、新加坡臘腸、白飯魚仔及魷魚等，醬汁香濃味道偏甜，別有一番風味。另外仲有星洲海南炸豬扒配香米飯，豬扒外層酥脆肉質鬆軟，配埋甜酸醬食好開胃呀。

金鶴拉麵 (土瓜灣、佐敦、天后、中環) 指定食品7折 

主打雞白湯嘅日式拉麵店，人氣雞白湯拉麵嘅湯底以全雞熬足6個鐘，加入木魚湯後再用攪拌機打成泡沬，口感好幼滑，湯底甜味自然就算飲晒成碗都無問題。雞叉燒選用日本薩摩赤雞製成，食落完全唔嚡。鍾意重口味嘅朋友可以揀極濃雞白湯叉燒拉麵，湯底更杰更香濃。另外餐廳亦有供應黑蒜醬油、醬油、鹽味及辛味叉燒拉麵，一定有啱你口味～

千両 (全線分店) 指定食品8折

約咗朋友喺屋企聚會又唔想煮嘅，可以試吓呢間連鎖日本餐廳嘅壽司拼盤，有兩款壽司拼盤揀，主要有中吞拿魚腩、油甘魚、三文魚腩、北海道珍寶帶子、灸燒鰻魚及灸燒牛油珍寶赤海蝦等選擇，款款都好新鮮鮮甜，開party真係啱晒！

町町丼丼 (鰂魚涌、中環、新蒲崗、觀塘、荔枝角) 指定食品55折

主打唔同日式丼飯嘅外賣店，所有丼飯都份量十足，而且係用日本米添！推介三重芝士鰻魚丼，厚厚嘅鰻魚，啖啖肉口感彈牙，加埋芝士味道更有層次，香甜嘅鰻魚汁送飯一流。滑蛋香煎雞扒丼都幾受歡迎，雞扒煎得香脆又多肉汁。小食方面爆炸糖蜜糖單骨雞翼都值得一試，甜甜鹹鹹愈食愈上癮～

買開外賣嘅可以用埋呢個全新亞洲美食折優惠(推廣日期:2022年10月6日至2022年11月3日)，輸入優惠碼「HALF」或「ASIA」， 前者消費滿$60減$30，後者消費滿$50，額外減$10！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 

仲等？(按此立即落單)    

亞洲美食折優惠:

ASIA: https://www.openrice.com/info/takeaway/tc-ASIA.html
HALF: https://www.openrice.com/info/takeaway/tc-HALF.html