成日都聽到啲人話，好葡萄人哋隔籬國家嘅便利店，有好多好嘢食，一陣間又布甸麵包，一陣間又tsum tsum咖啡咁。其實香港嘅便利店都一樣有寶㗎！就等開飯仔同大家一齊去尋寶啦！

今日巡舖見到呢兩枝朱古力嘅朱古力嘢飲，即刻諗起之前試過嘅M&M’s朱古力奶，見過一次鬼都未驚黑，勇士之心又被激發，買晒兩枝返嚟試！

Mars焦糖朱古力味牛奶飲品

先試睇落隻色淺色啲嘅Mars，出乎意料，唔係太甜喎，啲朱古力味淡淡地，但after taste就有啲焦糖味。比起佢嘅朱古力係冇咁甜，不過隻朱奶雖然飲落口感幾thick下，但感覺又稀稀地咁……

Snickers焦糖花生朱古力味牛奶飲品

Er，勇者無懼，試埋Snickers先！色水深色啲，未飲都聞到佢嘅甜味，而飲落都真係甜啲，仲有嗒到陣陣嘅花生味囉。

嗯，同樣都係$25枝，試不試由你，反正我試了（仲同好多個同事一齊開心些添科科）。

文、相：Kar
片：Cathy