疫情第三波爆發，大家又要乖乖地Stay At Home喇。不過唔係個個都有時間煮，或者有時在家都想食好啲，開飯仔繼續介紹更多送上門嘅懶人煮食包或套餐畀大家，就算「Stay Home」都有得食大餐！
懶人煮食包Part1: 全城抗炎！喺屋企做大廚 懶人煮食包/套餐集合文
Habitu 自家煮出好味道
HABITŪ於今日全新推出「HABITŪ at HOME」自家煮系列，廚師團隊會率先為客人準備好一份份不含味精、無添加嘅新鮮食材包，只要落單，最快5小時內會將食材送上門。自家煮系列主打適合兩口子享用的嘅「溫馨二人自家煮套餐」以及多人分享嘅「合家歡自家煮套餐」，二人餐包括牛油果烤雞凱撒沙律、煙肉忌廉意粉及脆皮三文魚扒；而合家歡餐就有煙肉三菌薄餅、焗一焗穀飼雞、番茄肉腸寬麵、香烤厚切豬鞍扒及野菌椰菜花不是飯。全部製作方式亦相當簡易，個個都可以做廚神！
Seafood Hong Kong 亞拉斯加長腳蟹送上門
有無諗過原隻亞拉斯加長腳蟹都可以送上門呢？呢間海鮮速遞專門店推多款外賣套餐，呢個包羅萬有海鮮套餐除咗有多款海鮮，包括青龍蝦、特大蟶子皇、大鬼蝦、鮑魚、大花甲，皇帝蜆、大桶蠔、時令鮮魚兩條、其他丸類及蔬菜外，仲有一隻亞拉斯加長腳蟹，都只係$2288！而且所有海鮮都經過嚴格處理，唔洗自己洗好方便！另外只要加成本價就會送埋個火鍋同蒸鍋兩用嘅爐畀大家。
訂購方法：WhatsApp下單9882 9505
Yakinikumafia 尾崎和牛套餐
最近登陸香港，來自日本嘅過江龍，人氣燒肉店wagyumafia副線品牌Yakinikumafia都推出外賣燒肉套餐！「Home Experience」燒肉套餐分二人餐及四人餐，可以食到尾崎和牛肉眼扒同埋有齊霜降、中等及赤身嘅尾崎和牛燒肉拼盤，另外仲有新鮮胡麻沙律、松露鹽燒枝豆、二人份越光米飯、二人份「Big Eye」燒烤醬 (燒汁連日本蛋黃)、醃青瓜及日本大根伴柑橘。如果燒肉太大陣仗，都可以Order兩款Grilled Yakiniku Bento及Keema Curry Bento！
訂購方法：31051250 下單(速遞至香港島收費為港幣120元，速遞至九龍收費為港幣180元)
燒鬼Yaki Oni 日本高質和牛
宅在家中都品嚐到日本高質和牛烤肉！呢間以鬼怪作主題嘅日式烤肉放題都推出外賣烤肉套餐，設有由一人至四人分享嘅份量。除咗A4和牛外亦包括海鮮 如廣島蠔、帆立貝、一系列日本刺身同日本料理。外賣服務亦配埋專用嘅烤肉爐同埋三款自家製醬汁，包括蘋果柚子紅酒燒汁、辣味噌醬同特色蔥油醬，等燒肉控喺全民居家抗疫嘅日子，都享受到日式烤肉體驗。
訂購方法：WhatsApp致 (852)6333 3938 或 (852)60236643；於燒鬼Facebook／Instagram或致電餐廳落單
花膠媽媽 養身美顏燉湯
香港人咁忙碌，好多人都無時間煲返碗靚湯畀自己或屋企人飲。有見及此，一位媽媽因為感同身受，就創立咗呢間以花膠作主題嘅燉湯網店，都係以養身同提升免疫力為主，老少咸宜對女性特別好。所有湯款都係真空包裝，湯底連湯料冷凝成啫喱狀，不添加任何糖同防腐劑，可冷藏擺放長達 12 個月(由生產日期開始)，即日訂購即日發送，訂滿8包仲有得免運費送貨。
招牌四款皇牌湯水包括括虎乳靈芝鱷魚肉川 貝海底椰豬𦟌燉花膠筒湯、響螺柱貝象拔蚌豬𦟌燉花膠筒湯、響螺柱貝蟲草花燉三黃雞花膠筒湯同埋蟲夏草花旗參豬展紅棗桂圓燉雞泡魚膠湯，款款都放入南非大花膠筒，足料清甜。
酒鍋 全新雞煲系列
呢間時尚火鍋店就一向都有外送到府服務～但最近出咗全新雞煲系列，包括「酒鍋秘製雞煲」及「韓式風味雞煲」，兩款都香濃惹味。亦設有二人及四人套餐，套餐除咗以上兩款雞煲外，火鍋配料則包括全新推出嘅黑松露蝦蟹餃2.0同即炸手工雙層芝士漢堡味嚮鈴卷，加埋精選雜錦肉類拼盤、新鮮帶子、三色鮮製生麵、金沙鹹蛋炸魚皮及蔬菜拼盤等，好豐富！而家仲有限時優惠，下單時輸入優惠碼「TDPSD」，即可享所有火鍋單點湯底及配料八折優惠。如惠顧滿港幣2,500元（折扣後）有得免運費。
訂購方法：www.tdpdelivery.com
Yeah express 鐵板燒烤 宮崎 A4 和牛
食肉獸無得出街食，可以試吓呢間網站嘅鐵板燒烤套餐送上門服務！所有食材都係精心挑選，來自世界各地，設有二/四/六及八人餐，無論係兩個人食定大家庭食都無問題，仲有特意為鍾意食牛嘅朋友而設嘅牛魔王套餐添！招牌包括日本宮崎 A4 和牛肉眼，入口即溶口牛味亦濃郁；鹿兒島 A4 薄切和牛片油花分布均勻，特別推介翠玉瓜出產自本地農場，香甜多汁。屋企無爐具，只要加成本價就會送埋爐具畀你，抵食又方便。
訂購方法：WhatsApp下單9570 8206
LPM Restaurant & Bar 家中嘆滋味法國菜
想喺家中浪漫吓，連法國菜都有得Order送上門！呢間餐廳首次推出外送服務，「LPM at Home」餐單包含多款菜式，如餐廳名菜橄欖油浸大蝦同布袋芝士配新鮮Datterini車厘茄，仲有餐廳自創法式椰菜沙律嘅變奏版法式蘋果椰菜沙律等。所有菜式同配料均以可生物降解餐盒盛載，並會放入印有LPM標誌嘅不織布購物袋內，夠晒環保。訂單消費滿港幣800元，餐廳會附送新鮮出爐嘅長法包同餐廳標誌性餐桌佈置，當中包括一枝橄欖油、一個紅番茄及新鮮意大利檸檬，於家中都享受到法式風情！
訂購方法：https://bbot.menu/lapetitemaisonhongkongpickup/
鼎王麻辣鍋 麻辣鴨血鍋
來自台灣嘅人氣麻辣鍋，而家都終於推出咗全港外賣服務！必試有麻辣鴨血鍋同酸菜白肉鍋，單點配料方面推介香港獨有嘅鹿兒島日本A4和牛、日本黑豚肉、日本黑豚手打丸、干貝滑、老油條同埋豆皮，買滿六百蚊起仲會贈送配料。
*消費滿＄600起可享用「鼎王全港送」服務，運費由客人到付，可以於落單前向店員取得參考運費
*外賣消費滿＄2,000免運費
訂購方法：
「鼎王全港送」WhatsApp專線（請點擊）：https://wa.me/85295293885?text=我要訂鼎王全港送
(專線只限Whatsapp聯絡)
摩芽雞蛋仔 即食熱辣辣雞蛋仔
有無諗過安坐家中都隨時都食到熱辣辣同脆卜卜嘅雞蛋仔？呢間雞蛋仔專門店最近就推出咗呢款急凍雞蛋仔(一盒兩底)，三個選擇分別係原味、雙拼(朱古力+原味各一底)及雙重朱古力，可以用氣炸鍋及微波爐加熱，熱辣辣雞蛋仔唔再係掃街先食到喇～
訂購方法：官方Facebook留言
一居．板燒外送 鐵板燒懶人包
呢間外賣鐵板燒食物會連爐具、工具及調味料送埋上門，啱晒各位懶人！供應二人及四人餐，已包含各款肉類及蔬菜，驚唔夠食仲可以加點，如澳洲M7和牛西冷、美國安格斯肉眼、磯燒鮑魚、北海道帆立貝及芝心蝦餅，咩都唔使做就可以喺屋企嘆燒肉！
訂購方法：https://www.yatkui.store/
牛大人 台式火鍋送上門
呢間台式火鍋日日都大排長龍，早一個月都未必訂到座，咁不如用佢哋嘅送上門服務喇。淨係湯底已經有八款選擇，推薦招牌紅燒牛骨鍋、秘方麻辣鍋及台灣鳳梨雞鍋，配料仲有多款台灣手工水餃、台灣直地在送漿類同台灣特色小吃，食完真係覺得自己去咗台灣咁。
訂購方法：
中西區、灣仔區、東區、南區
Whatsapp：39539340落單
其他地區（包括深水埗區、九龍城區、黃大仙區、觀塘區、葵青區、大埔區、沙田區、油尖旺區、元朗區、北區、屯門區、將軍澳）
Whatsapp：39539330落單
ChumPlus 即食懶人煮家飯
如果唔想煮又想食住家飯，可以考慮呢間送上門即食餸菜包。選擇有成四十幾款，無論係港式系列、享辣系列同手工系列嘅餸菜都有，包括欖菜肉鬆四季豆、梅菜蒸肉餅、梅菜扣肉、豉汁煎封蒼魚同西班牙黃油春雞釀糯米等等，只需要浸熱水或用微波爐加熱就得，太方便喇～
訂購方法：https://www.chumplus.com/
Meraki Hospitality Group 跨餐廳點餐配送服務
呢個集團旗下三間餐廳，主打中東菜嘅BEDU、巴西與日本菜融合嘅Uma Nota及最近開嘅Comfort Food餐廳Mamma Always Said同時推出港島免費配送服務，晚市2人組合套餐只需$200或$380就可以試到餐廳招牌菜式。貪心啲想試晒三間餐廳，集團仲提供跨餐廳點餐配送服務，客人可以隨心選擇三間餐廳嘅不同菜式，再一併送到。
訂購方法：下單請直接WhatsApp +852 6379 9748
文: Yanica
相: Tom Li、餐廳官方相片