喺港島東區要搵好嘢食，太安樓之外，筲箕灣東大街都係美食天堂嚟架。老店呂仔記、安利魚蛋粉、印尼沙嗲同低調高手雞蛋仔已經出晒名，專登過來掃街嘅人龍長排長有。如果已經食過晒，仲有咩好選擇呢？開飯仔都算係半個街坊，以下幾間小店都相當唔錯架。
客家家鄉味道 客家村
呢間新開業冇耐嘅小店，只係星期一至五夜晚營業，主力賣客家擂茶。擂茶係用黑白芝麻、薏仁、麥芽、花生同白果等材料製成，非常足料，改用綠茶代替茶葉，更加甘香，仲可以揀薑味同珍珠擂茶。
圖：EvaMax
又麻又辣小雲吞 大觀園食坊
鍾意食辣嘅朋友，一定要試食呢度嘅重慶紅油小雲吞！同平時食開嘅抄手有啲唔同，係同麻辣豬骨湯湯底一齊食，再加上一抹鮮紅色辣油，以多種辣椒炒成，麻辣又香口，可以自選大中小辣或者清湯。
圖：更多【飲食潮流】： |
必吃海鮮串燒 桻之燒
呢間港式串燒店，海鮮特別耍家，有原條燒海魚、燒花蟹及鮑魚、象拔蚌等貝殼類，又有蝦多士、牛骨髓創意款式。另一道招牌菜係醉頂鴿，用惠州新鮮乳鴿炮製。店內有一系列清酒，最啱一邊食串燒一邊嘆清酒。
圖：無味精家常小菜 粥棧小廚
舖頭位於街頭，好容易走漏眼，已經開業好多年，主打家常小菜，堅持不加味精，好有屋企嘅味道。黃鱔籠仔蒸飯出色，豉油雞、美極蝦同水蟹粥都係店子招牌菜。晚市都幾多人捧場架，建議早啲打去訂位。
圖:文：Perrins