去台北食餐好是常識吧，除了要去夜市掃街，食燒肉亦是指定動作之一！以下推介四間人氣店，連本地人都會幫襯，CP值高，最重要係有得網上訂座，唔怕去到排餐死！即刻睇睇邊間就腳，出發前做足準備book定枱啦！
工業風平食和牛 吽home燒肉 （Click入網上訂座）
美式工業風裝潢好有型，而且座位舒適，二百零蚊就食到黑毛和牛拼盤！肉類選擇豐富，有鹽葱牛舌、蒜味牛五花、松露角切牛小排、泡菜豬五花同椒鹽松阪豬等超過三十款，價錢都係一百蚊港紙有找，仲要係炭燒，陣陣炭香特別惹味。
圖：兩小時燒肉海鮮放題 燒肉眾精緻炭火燒肉 （Click入網上訂座）
燒肉放題有三個價位，不分時段兩小時放題，最貴嘅台幣699包括美國Prime級牛肉、西班牙伊比利豬、蝦同蠔任食，仲有四五十款肉類海鮮任食。升級可追加波士頓龍蝦、北海道蟹腳、阿根廷紅蝦等，連和牛都係吃到飽！而且係真炭燒，香港好少地方食到。
圖：夢與幻的地圖
一次過燒烤打邊爐 八田帝王蟹燒烤.鍋物 （Click入網上訂座）
台北老牌燒烤放題店，前菜、海鮮及肉類多種食材都可以無限任食，最出名嘅帝王蟹厚肉鮮甜，季節蝦大大隻，亦有生蠔、蜆、扇貝、干貝等全部可以吃到飽！而且有專人代勞燒烤，唔使自己郁手。烤爐外亦有火鍋爐，可以一邊燒一邊烚，滿足晒兩個願望。
港人最熟悉 乾杯燒肉居酒屋 敦南店 （Click入網上訂座）
相信去開台灣嘅朋友一定對乾杯唔陌生！分店多，部份仲有得網上訂位，唔使等唔使排。肉類新鮮選擇多，選用澳洲和牛、西班牙伊比利豬，但價錢便宜。最出名係客人錫嘴合照可獲免費肉類一碟，生啤只開封24小時，確保新鮮，亦有日式雞尾酒乾杯角嗨。店子氣氛高漲，人氣極旺，遊客及本地人都愛幫襯。
圖：