台灣呢個寶島有咁多美食，隨時心思思想飛去嚟個美食之旅？而家連機票錢都幫你慳返。皆因呢間生活精品專門店即將舉辦「台灣風味市集」，帶嚟多個台灣地道品牌，當中就包括大人氣嘅好丘貝果！
 

好丘信義旗艦店

city’super即將於5月23號至6月19號舉辦「台灣風味市集」，最受觸目嘅肯定係首設海外期間限定店嘅好丘貝果！品牌位於地標台北101附近嘅信義旗艦店係台灣OpenRice 2017十大人氣收藏餐廳之一，亦係唔少台灣文青同遊客必到嘅熱店。單係2017喺台灣就賣出100萬個貝果(Bagel)，即係80座台灣101嘅高度！
 

桂花紫薯貝果

到底佢有咩秘訣可以咁受歡迎？最大原因就係堅持使用台灣各地盛產嘅在地食材入餡，而且每一個貝果都由自家師傅手工現作，再經一晚8個鐘頭嘅低溫自然發酵。做出嚟自然渾圓飽滿，咬落Q勁十足，呈現台灣食材嘅自然原味。
 

而佢地即將嚟到時代廣場中庭快閃12日，限量發售10,000個貝果（11:00開售，平日限量400個，假日限量500個）！唔單止貝果空運到港，主廚團隊亦會親臨幫大家烤熱。而香港快閃店將會提供11款人氣經典口味。當中推介淺紫色，選用台灣紫薯嘅桂花紫薯口味。同自製香甜苗栗芋頭泥配搭鹹蛋黃嘅芋頭鹹蛋黃味。
 

 

池上米餅

小拌麵

台灣風味市集另有多個台灣地道品牌，例如選用花東池上米製作米餅同米通嘅池上米餅，以古法手工精製加上自然曬乾關廟麵嘅小拌麵，用傳統方式糅合優質台灣農產品嘅雙人徐等等。而鍾意飲返兩杯嘅朋友仔就唔少錯過新興精釀啤酒品牌水鹿精釀，同宜蘭嘅噶瑪蘭威士忌啦。
 

雙人徐辣雙響系列

（左）水鹿精釀啤酒，（右）噶瑪蘭威士忌

city’super「台灣風味市集」日期
銅鑼灣時代廣場中庭：
2018年5月23日至6月3日
時代廣場、海港城、IFC、新城市廣場、Lab Concept店：
2018年5月30日至6月19日

文：Cathy
相：Cathy，有關方面提供