又係各位餓底同大胃王嘅SHOW TIME啦~  呢間喺佐敦同屯門都有分店嘅火鍋店，最近喺大埔開咗新分店，仲要係全港首間集齊晒自助餐、網燒加鐵板燒於一身嘅火鍋放題店，包保你哋個個食到捧住個肚出返嚟。

餐廳以火鍋放題為base，任點任食兩個鐘，星期一至四指定時間最平98蚊加一就埋到單，就算加埋龍蝦或者海鮮嘅網燒/鐵板燒拼盤，都係$218加一。咁有咩點有咩食？即刻同大家睇睇：

任點任食火鍋放題：多款肉味頗濃嘅牛、羊、豬肉

海鮮拼盤（網繞或鐵板燒）：龍蝦、虎蝦、貴妃蚌、新鮮鮑魚、魷魚等，全部都好新鮮

火鍋配料+自助餐區：沙律、凍丸餃、時蔬、菌類、炸物、熟食、響鈴、魚皮……仲有糖水同雪糕，另有多款汽水及飲品任飲

幾時都話做女生有著數，餐廳仲特別有Ladies Night，女生可以半價食大阪黑門巿場燒烤拼盤兼任點任食火鍋放題呀！呢個拼盤都幾豐富下，珍寶石蠔啦、沖繩水飼豚肋骨啦、松露北海道大元貝等等都有得食，個芝士大野菌仲可以請店員協助，用火槍燒一燒，啲芝士拉到絲添呀~

另外大埔店限定會連埋客海鮮大阪燒，自己燒都得，倒漿後每邊燒5分鐘，再落埋芝士、其他配料同醬汁就完成，冇乜難度，個個都出得廳堂㗎…應該。

蒲頭島
地址：大埔舊墟直街4-20號美新大廈地下B1號舖

文、相、片：Kar