今日係全港所有食肆禁止堂食嘅第一日，唔少基層、冇固定office或戶外工作嘅朋友，都渴求一個安全又衛生，可以遮風擋雨嘅合理開餐地方。但令人傷感嘅係見到唔少新聞圖片，佢哋都只能夠坐喺街邊或公園，日曬雨淋咁食一個飯盒。
幸好，香港仲有好多有良心嘅機構同社企，願意免費開放地方畀有需要嘅朋友入內食飯，香港九龍新界區都有。有啲係餐廳、有啲係教會，甚至連髮型屋、補習社、集運公司都有！雖然位子唔多，但起碼略盡綿力。如果大家見到身邊嘅朋友有需要，不妨都話聲呢啲地方畀佢哋知吖。（亦好歡迎大家如果知道更多用膳地方，都可以報料啊）
新界區
粉嶺 好鄰舍北區教會
圖：呢間教會多年嚟一直致力服務基層工友同無家者，今次除咗開放教會，等有需要嘅朋友可以入內食個快飯之外，同時仲會派發免費防疫包。
地址：觀塘成業街7號寧晉中心16樓G室（九龍區）、粉嶺聯和墟聯發街32號（新界區）
開放時間：7月29-31日，11am-2pm
預約留位：6545 0709
免費
粉嶺 基督教迦南堂粉嶺家
另一間開放畀有需要人士食飯同休息嘅教會，有冷氣開放，但座位有限，要預先登記啊。
地址：粉嶺祥華邨祥禮樓地下102-104室
開放時間：7月29日 – 8月4日，12nn-2pm
預約電話：9542 4286
免費
大圍 風流居酒屋
圖：雖然今日起，餐廳冇得堂食，但仲有員工休息室嘛！大圍呢間居酒屋，開放休息室畀有需要朋友去食外賣，而且仲有免費玄米茶供應。不過都係嗰句，最多二人同行，量體溫、搓手液消毒，入去時同唔係食緊嘢嘅時間都要戴口罩，同埋清理返食完嘅垃圾。
地址：大圍大圍村第3街32號地舖
開放時間：12nn -9pm
預約電話：2640 9798
免費
葵興 源味道生活館
圖：呢度大約有10個位左右，全部係安全距離。葵興附近嘅有需要人士可到此食個飯。
地址：葵興力豐工業大廈10樓F室
預約電話：9458 3882
免費
石門 爾雅補習社
圖：連補習社都開放畀有需要人士食飯啊，有冷氣有枱有櫈，可以坐低慢慢食。
地址：沙田石門安耀街2號新都廣場3樓09室
免費
荃灣 雙寶自提點
圖：呢度本身係做集運嘅，但亦提供咗間房仔畀有需要人士用餐。雖然設施就得張櫈，但至少可以有個瓦遮頭吖。
地址：荃灣青山公路603-609號江南工業大廈B座17樓05A室
開放時間：12nn – 3pm
電話：57401628
免費
元朗 悠
圖：元朗呢間café嘅Facebook表示最多自己被罰五千、最多拉閘唔做生意，但唔忍心見到咁多人喺條街度食飯。所以佢哋開放餐廳，畀人拎飯盒入去食（但唔喺佢哋度買）。
地址：元朗鳯攸北街9A昌威大廈28號地舖
免費
屯門 青山浸信會
喺屯門有需要嘅人士，可以帶埋飯盒去呢間教會度食，唔止有冷氣，仲有抗疫包派！
地址：屯門達人坊13號
開放時間：7月30日 – 8月4日，11am – 2pm
免費
屯門、佐敦、大圍 有蓋巴士總站
九巴都宣佈會喺有蓋巴士總站劃出位置，擺埋啲櫈仔畀大家坐低食餐飯，櫈同櫈之間會有1.5米安全距離，記住食完飯戴返口罩就ok啦。
地址：屯門站總站、大圍站總站、佐敦（西九龍站）巴士總站
開放時間：7月30日至另行通知（逢星期一至五），12nn – 2:30pm
免費
九龍區
佐敦 逸東酒店宴會廳
圖：位於佐敦嘅逸東酒店絕對可以話係酒店業嘅先軀，佢哋由即日起會開放2樓宴價廳畀公眾入內用餐，為大家提供一個既舒適又安全嘅用餐地點。
地址：佐敦彌敦道380號香港逸東酒店二樓宴會廳（從酒店大堂電梯進入）
開放時間：星期一至五，11am - 3pm、5pm – 9pm
免費
荔枝角 播道會恩福堂
圖：呢間教會set好咗幾張枱，歡迎有需要朋友可以帶埋飯盒入內享用。從相片可見，每張枱都有相當一定嘅安全距離。
地址：長沙灣道789號恩福中心
開放時間：7月29日-8月4日，11am – 3pm
免費
荔枝角 明愛荔枝角職工中心
開飯仔打電話去問過，中心地方唔算好大，大約有10個位左右。建議大家上去之前，可以打個電話預約或了解情況。
地址：青山路485號九龍廣場3樓3室（荔枝角站B1出口）
開放時間：12nn - 2:30pm
預約：2741 3767
免費
大角咀 甦靈教會
圖：大角咀附近嘅朋友，可以上呢間教會食飯啊，晏晝夜晚飯都得。最緊要入去嘅時候保持衛生，用消毒酒精洗手同探熱，食完自行清理返飯盒同餐具就OK。
地址：大角咀櫸樹街7-13號豐年工業大廈13A室
開放時間：7月30-31日，11am – 9pm
免費
深水埗 基督教宣道會忠主堂
深水埗區有好多基層人士，區內呢間教會就開放空間畀有需要人士入內，可以有個空間休息下，食個飯。
地址：深水埗長沙灣道137-143號長利商業大廈5樓
開放時間：11am – 2pm
免費
長沙灣 學林式宇晴教育中心
圖：呢間教育中心，唔止開放畀有需要朋友上去食飯，仲會每人派一個口罩添！中心另設水機，自備水樽就可以斟水啦。
地址：長沙灣青山道339號恒生青山道大廈307室
免費
油麻地 循道衛理聯合教會安素堂
油麻地呢間教會由聽日（7月30日）起亦會提供有冷氣地方，畀有需要人士帶埋飯盒去食同休息，而且仲會免費提供清水，洗手間亦可外借。
地址：油麻地窩打老道54號
開放時間：7月30日 – 8月4日，12nn – 2pm
免費
紅磡 基督教牧鄰教會
紅磡區朋友仔可以留意下，呢度有冷氣，最多可以容納25人，只限一人休息、進食，全面禁煙，進餐前後都記住要戴口罩啊。
地址：紅磡馬頭圍道21號義達工業大廈A座7樓A（中銀隔籬搭貨lift上）
開放時間：7月30日 – 8月4日（8月2日除外），11:30am-2:30pm
免費
觀塘 基督教家庭服務中心
中心特地設立「午間用餐區」，每個獨立座位都相隔1.5米，讓觀塘區有需要嘅人都可以食得安心。
地址：觀塘翠屏道3號地下愛心廣場
開放時間：11am – 2:30pm
查詢：2950 5871
免費
觀塘 香港幸福週末 (辧公室)
圖：呢間人氣茶飲店舉行「辦公室開放日」，雖然冇茶飲，但就有6-7個嘅安全距離座位。各位上去之前，最好inbox佢哋確定有人。
地址：觀塘時運工業大廈2樓D室
開放時間：12nn – 3pm
免費
尖沙咀 YC Hair Designer
呢間髮型屋喺尖咀有兩間分店，其中赫德道店地方較大，由今日起到星期六嘅晏晝時段，都會開放畀有需要嘅朋友去食個外賣，有枱有櫈有冷氣。
地址：赫德道11號利就商業大廈6樓
免費
九龍灣 伵舍
圖：呢度有成700呎咁大，應該可以容納到唔少朋友仔，有冷氣坐低慢慢食餐lunch。入場前先量體溫同噴清潔劑，離開前再送多兩個口罩。
地址：九龍灣美羅中心2期1825室
開放時間：7月30日 – 8月3日（四、五、一），12nn – 2pm
免費
土瓜灣 The Mahjong 共享空間
圖：呢度提供嘅共享空間，有少少安全措施希望大家可以遵守，例如最多二人同行，唔係食緊嘢嘅時間需要戴返口罩，同埋食完就清理返自己嘅飯盒同餐具。建議早少少預約。
地址：土瓜灣北帝街10-16號1樓
開放時間：10am – 8pm
WhatsApp預約：+852 54642776
收費：$10/小時
香港島區
灣仔 聖母聖衣堂
圖：呢間有近70年歷史嘅天主教教堂，表示希望效法聖母見到其他人嘅需要，開飯地方畀大家入內祈禱、休息同埋食飯。
地址：灣仔星街1號
開放時間：7am – 10pm
免費
銅鑼灣 解憂咖啡店
圖：呢個地方，坐得都幾舒服架，仲有得望下街景。疫情期間都開放畀有需要人士帶埋個飯盒上去，食下飯，唞一唞。
地址：銅鑼灣渣甸街36號3樓
免費
上環 茶咖宅
圖：上環呢間裝修到好似café咁嘅茶記，呢個禮拜都會開放畀大家入去用餐，同埋拎免費防疫用品。入去前記得要自動自覺量體溫同消毒雙手，離開前自行清理垃圾同枱面。同埋每張枱只限坐兩個人留意返。
地址：上環四方街24號地舖
開放時間：12nn – 3pm
免費
灣仔 聖雅各福群會
灣仔有社區中心開放，每日分三節食飯時段，仲有茶水供應。
地址：灣仔石水渠街85號7樓
開放時間：7月30日 – 8月8日（8月2日除外），每日3節（1200-1245、1300-1345、1400-1445），每節15名額
登記電話：2835 4368
免費
灣仔 循道衛理聯合教會香港堂
灣仔另一間教會，開放大圓環同副堂畀有需要人士進入，仲會提供抗疫健康資訊。
地址：灣仔軒尼詩道36號
開放時間：12nn – 2pm
免費
鰂魚涌 宣道會康怡堂
鰂魚涌區嘅朋友仔食飯都有著落喇，呢間教會開放午膳空間之餘，亦會派發防疫包。入場前要先登記、探熱同清毒雙手就OK。
地址：鰂魚涌基利路9號太明樓地下
開放時間：7月30-31日，11:30am – 2:30pm
免費
西環 香港浸信教會好鄰舍福音堂
喺西環嘅呢間教堂，歡迎有需要人士帶埋午餐盒去休個息食個飯，一人有一個空間呢。
地址：西區山道15號1-3樓
開放時間：即日 – 8月4日（星日除外），每日3節（11:30 – 12:15、12:25 – 13:10、13:20 – 14:05）
留位電話：2540 7265
免費
中環 香港浸信教會
想去呢間教會借個地方食個飯嘅朋友仔，入內前要量體溫、用酒精搓手液洗手，同做簡單登記。
地址：中環半山堅道50號
開放時間：即日 – 8月4日，11am – 2:30pm
免費
文：Kar