想搵間舒服啲餐廳同朋友聚舊、飲杯嘢、傾吓偈？尖沙咀商場最近新開一間高檔日式居酒屋，名為海陽。海陽喺日文中解海洋，寓意餐廳好似海容納百川咁，為食客提供多樣化嘅居酒屋美食，包括壽司刺身、天婦羅、串燒、丼飯、壽喜燒同涮涮鍋等。另外而選材方面亦絕不馬虎，堅持選用嚟自世界各地嘅優質食材。
招牌昆布花膠涮涮鍋 $798
呢個涮涮鍋真係夠晒豐富啦。除咗招牌鍋底花膠鍋外，仲包括一個牛肉拼盤、手打油甘魚丸、日本黑豚肉餃子、刺身拼盤、茶碗蒸及麵。食法就係先飲湯再食花膠，跟住就可以開始shabushabu啦。
湯底先用五斤雞骨及五斤豬骨，連同北海道昆布及多種中式藥材熬足十小時，最尾先加入北海道花膠滾煮。因用料矜貴，故每次只可以熬出5份湯底，難怪味道咁濃郁～
牛肉拼盤包括美國A4牛肩肉、日本A4牛肩肉、日本黑毛豚肉、美國和牛脷，特別推薦日本A4牛肩肉，入口即溶。
手打油甘魚丸亦值得一試，將油甘魚打成魚蛋狀，坊間較少見，幾有特色。
更多【新店直擊】： |
和牛海膽丼$288、和牛鵝肝丼$268
食肉獸一定唔可以錯過呢兩個丼飯。日本和牛肉質軟腍、油脂味香。配上新鮮海膽多咗份鮮味。而鵝肝同樣有入口即溶效果，同和牛好夾。
精選刺身定食(Set Lunch) $388
講到日本菜又點少得刺身呢，刺身種類包括吞拿魚、拖羅、牡丹蝦、左口魚、油甘魚及赤貝，唔使講，款款都咁新鮮。提提大家刺身會根據時令而有變喔。
一夜乾馬友魚 $238
一夜乾同樣係日本菜必食之選，馬友魚味重，而且燒得鹹鹹香香，送酒一流。
長芋明太子醬海膽大菇 $108、明太子雞肉棒 $48
明太子控當然唔可以錯過呢兩款料理，長芋明太子醬海膽大菇，味道豐富之餘不失菇味，而明太子同雞肉棒當然夠晒搭。
地址: 尖沙咀梳士巴利道18號Victoria Dockside K11 Musea 1樓103-103A號舖
文: Yanica
相、片: Tom Li
