台灣過江嘅可頌（Croissant）專門店開到去屯門啦！今次帶嚟三款新口味，分別係屯門店限定嘅松露白醬蟹味可頌，同10月萬聖節限定嘅南瓜可頌同木乃伊可頌。當然其他常設口味亦繼續供應啦，半開放式烘焙室加上新店增設立食位，屯門嘅朋友仔唔好錯過呀。
 

八月堂嘅可頌採用嚴格挑選嘅原材料製作，包括歐洲頂級天然牛油、ISO認證雞蛋、日本百年品牌麵粉屯門新店位於屯門市廣場，佢哋仲預告今年喺葵芳新都會廣場、馬鞍山新港城中心，同荃灣海之戀商場會陸續開設分店！ 
 

新店限定+萬聖節限定

松露白醬蟹味可頌（屯門店限定，$26）

將原味蜂巢可頌切開加入松露白醬，而蟹味棒就會先後加上松露白醬同Parmesan芝士，再以火槍炙燒帶出芝士同松露白醬嘅香味！松露白醬Creamy得嚟帶少少白松露香氣，特別之餘又唔會蓋過芝士同可頌嘅味道。
 

南瓜可頌（萬聖節限定，$18）

萬聖節點少得南瓜呢？其中一款萬聖節限定口味就係南瓜可頌，裡面係橙色嘅南瓜吉士醬，味道以南瓜甜味為主，口感柔滑。
 

木乃伊可頌（萬聖節限定，$18）

而可愛嘅木乃伊可頌其實係檸檬糖霜口味，即係蜂巢可頌上加上糅合新鮮檸檬汁嘅糖霜扮繃帶，再加朱古力眼仔點綴，造型可愛味道酸甜。
 

 
常設口味

蜂巢可頌（$15）- 原味

朱古力可頌（$18）- 朱古力味

白色莊園（$17）- 白朱古力脆皮

皇家爵士（$18）- 朱古力脆皮

紅粉戀人（$18）- 士多啤梨朱古力脆皮

香濃起司（$19）- 芝士味

雪花檸檬（$18）- 檸檬糖霜味

炙燒明太子（$18）- 明太子餡

迷戀卡士達（$20）- 吉士餡

覆盆子奶酪（$20）- 覆盆子意式奶酪餡

八月堂
地址：屯門屯順街1號屯門市廣場1期1樓Kiosk 15

文、相、片：Cathy