出街食飯點先最抵？即刻跟實每月至抵優惠book枱食飯、用抵食餐飲券堂食/外賣自取，就可以擸盡著數啦！
OpenRice外賣自取優惠有集合多個品牌嘅食堂、韓式炸雞店、泰式餐廳、藥膳刀削麵及馬來西亞菜，夠晒多元化，最平低至半價呀。
KIN(鰂魚涌) 全單8折
集合超過40間亞洲人氣及米芝蓮嘅餐飲品牌，多國嘅菜式都可以畀你喺呢度搵到！必食呢個Kelly's Cape Bop無飯走地雞肉紫菜卷，以有機雞蛋製成嘅蛋絲取代米飯，仲有蔬菜、醃蘿蔔及無激素雞肉所做嘅炸雞柳做餡料，啱晒健康人士。Sri Trat青咖哩走地雞肉飯配泰國茄子同One Prawn & Co一號蝦麵都好高質素，前者用上香茅、南薑、白黃薑等多種泰國香料炒製，味道正宗；後者湯頭採用大量蝦頭、蝦殼、蝦米及大量香料熬成，蝦味濃郁又鮮甜。
Puradak Chicken(全線分店) 指定食品8折
被譽為炸雞界貴族嘅韓國過江龍品牌，香港分店由韓國人主理，部份廚師更專程到韓國總公司學習炸雞醃製及烹調秘技，味道正宗。以先焗後炸嘅方式烹煮，能鎖住肉汁並減少油膩感。推介瘋狂蒜香炸雞，蒜香十足蜜糖味又重，鹹鹹甜甜好滋味。羅勒派對炸雞都好特別，醬汁帶有香濃羅勒味，配上烤小蕃茄同巴馬臣芝士碎，味道濃郁又清新。
槾悠(荃灣) 指定食品半價
主打慢活概念嘅泰式fusion餐廳，以樹懶做主題好可愛～以具西式特色嘅泰式輕食料理為主，如招牌海南雞，皮薄爽滑雞肉味道濃郁，跟埋辣椒醬同黑醬油送雞油飯真係一流。火車頭船河都好推薦，好足料，湯底濃得嚟好清甜。最後當然唔少得甜品芒果糯米飯啦，芒果飯軟糯清甜，醬汁係忌廉打成嘅泡泡，配搭新穎，唔會過甜。
藥膳刀削麵(中環) 指定食品8折
中環區嘅抵食午餐之選～菜肉雲吞藥膳湯刀削麵，湯底有淡淡嘅藥膳湯味，好有家庭風味，菜肉雲吞每粒都好飽滿，食得出餡料好新鮮。豬軟骨刀削麵都幾推介，豬軟骨軟腍得嚟仲帶有少少咬口。如果想轉吓口味可以試泰式酸辣豬扒拼肉餅飯，酸辣豬扒味道酸酸辣辣好開胃，肉餅都充滿肉汁呀～
馬來亞春色綠野景緻艷雅(鰂魚涌) 指定食品8折
呢間小店地方細細但好有人氣，午飯時間成日都排隊架～主打馬來西亞菜。最招牌係正宗巴生肉骨茶同叻沙，肉骨茶使用三代家傳嘅秘方，呈深色帶當歸同八角等藥材嘅滋潤甘甜香。叻沙就有唔同配料揀，如胡椒芋頭豬肉卷都幾有特色，炸魚餅同魚片都好彈牙又有魚味，湯底充滿椰香，帶微微辣好惹味。
買開外賣嘅可用呢個環球滋味嚐優惠，輸入優惠碼「WW10」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
環球滋味嚐優惠：https://www.openrice.com/info/takeaway/tc-WW10.html
買外賣食最緊要夠多選擇！今期OpenRice外賣自取優惠有齊豉油西餐、燒味專門店、新式人氣大排檔、港式茶餐廳及台灣菜，夠晒多元化，最平低至7折呀。
金鳳大餐廳 (尖沙咀) 指定食品低至7折
好受上班族歡迎嘅港式西餐，有一般茶記會供應嘅意粉、焗飯、沙律、小食及扒餐選擇～如芝士焗肉醬意粉，滿滿嘅番茄肉醬配上拉絲芝士，香濃得嚟又開胃，呢道菜仲係唔少人嘅童年美食呀。另外仲有咖喱牛腩飯都推介，牛腩炆得好軟腍，咖喱香而唔太辣。全部餐都配埋餐包及紅湯或白湯，食完一定捧住個肚。
快閃優惠日期: 25/9/2023 - 29/9/2023
天龍燒鵝 (灣仔) 指定食品低至7折
講起去灣仔食燒鵝，可能大家都會諗起啲排隊名店，不過其實同區都有好多低調得嚟質素幾好嘅店家。呢間係由米芝蓮二星中餐廳燒味部主廚創業嘅小店，燒鵝即日新鮮燒起，外皮香脆帶少少油脂，肉質juicy，而且仲有淡淡肉香，出色！淨食燒鵝唔夠喉，叫個雙拼飯就最正啦，叉燒都一樣高質，外層燒到有少少焦糖嘅感覺，入口肥瘦適中。
快閃優惠日期: 3/10/2023 - 6/10/2023
楚撚記大排檔 (荃灣) 指定食品低至7折
好有人氣嘅新式大排檔，菜式都以fusion為主，招牌楚撚記小炒王係必食！好有鑊氣又足料，有菜甫粒、蝦干及魷魚鬚，上面仲灑上滿滿炸魚仔及腰果，味道鹹香，送酒一流。香煎黑松露手打蓮藕墨魚餅係另一人氣菜式，外層煎得香脆，彈牙之餘食到墨魚粒，蓮藕又增添咗爽脆口感，黑松露味道都好突出。
快閃優惠日期: 18/9/2023 - 22/9/2023
和順記 (中環) 指定食品低至7折
一間主打特大炸雞髀嘅茶餐廳，主要供應雞髀王系列、鹽酥系列及芥末系列及滷水系列嘅飯餐，好多都好有特色。如鹽酥雞肉餅煎蛋飯，將手打雞肉加入粟米粒揉成團狀後，於扒爐上以半煎炸方式煮成，外層香脆帶少少彈牙、咬開滿滿肉汁，加咗粟米就更有口感同香甜，配埋甜甜哋嘅瑞士汁就最夾～
快閃優惠日期: 25/9/2023 - 29/9/2023
尚青商號 (灣仔) 指定食品低至7折
充滿舊時台灣風味嘅餐廳，連食物都好有台灣家鄉的味道～主要供應牛肉麵、拌麵、魯肉飯、刈包及炸物等台式美食，如香菇魯肉飯，醬汁鹹鹹甜甜，滷肉碎肥瘦適中，仔細品嘗更有木魚絲嘅香氣，配埋溏心蛋拌飯一流！想加個小食嘅推薦鹽酥雞，雞粒香脆可口唔會太油膩，加埋辛香料同蒜粒提升味道層次，越食越上癮。
快閃優惠日期: 25/9/2023 - 29/9/2023
買開外賣嘅可用呢個環球滋味嚐優惠，輸入優惠碼「WW10」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
環球滋味嚐優惠：https://www.openrice.com/info/takeaway/tc-WW10.html
聚餐精打細算啲，分分鐘可以試多幾間餐廳，今期精選推介有58折起嘅精緻點心放題、Cafe蛋糕咖啡套餐同西式二人晚餐，啱你口味就咪錯過喇～
名館（銅鑼灣）午市點心放題 58折起
新派中菜推出嘅90分鐘午市點心放題，供應30多款精緻粵式新派點心，例如內藏紫薯餡料嘅銀湖天鵝酥、京川手工滑餃子、黑金流沙包、流心藍梅糕等鹹甜款式。另外重有清潤嘅四季椰子雞湯，以及多款梳打特飲，男女老少都啱食。
58折起餐飲券：（按此）
Tanuki Coffee（土瓜灣）蛋糕咖啡套餐 68折
對於甜品控嚟講，1件蛋糕真係未必夠喉，土瓜灣呢間由人氣男團ERROR成員同拍檔合夥經營嘅精品咖啡店，佢嘅蛋糕咖啡套餐就配上2件是日精選蛋糕，如Tiramisu、三層朱古力蛋糕等，加埋1杯經典黑/白咖啡，做下午茶啱晒～
68折餐飲券：（按此）
風車（大圍）西式二人晚市套餐 71折
大圍區內嘅人氣懷舊風西班牙餐廳，菜式以足料抵食見稱，好似二人晚市套餐包括4道菜，其中湯品可升級轉做鮮味嘅法式龍蝦湯，主菜則有美國安格斯肉眼扒、波士頓龍蝦意大利粉，無論係肉食控定係海鮮控都滿足到你。
71折餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅滋補火鍋、意大利菜同居酒屋料理，睇啱，撳個掣就可以訂座喇～
火鍋隨意門（銅鑼灣） 送精選食品 或 全單6折 
圖：銅鑼灣呢間火鍋店為慶祝3週年，訂座時電話號碼有3字都有優惠！有1個3字送黃金雙拼一份，2個3字則送伊比利亞橡果豬，如果多達6個3字，即享全單6折𠻹。提提你，嚟到必試招牌花膠雞濃湯鍋，佢嘅花膠標榜厚身，連埋湯底一齊食夠晒滋潤呀！
免費食品/6折訂座優惠：（按此）
幸福四季椰子雞（銅鑼灣） 指定單點火鍋配料 5折
圖：如果鍾意清香口味嘅火鍋，不妨考慮椰子雞鍋，以純天然椰子水做湯底，無添加水分同味精，加埋嫩滑嘅雞肉一齊煲，味道鮮甜。如果指定時段前埋單，各式肉類、手工丸等單點火鍋配料可享5折優惠。
5折訂座優惠：（按此）
Mano（銅鑼灣、觀塘）2人套餐 6折
設有2間分店嘅新式意大利餐廳，以手工意粉同手工薄餅作招徠，招牌意粉口感彈牙，另外亦供應扒類照顧肉食控。餐廳設計時尚有格調，而粉色系牆身增添一點浪漫氣息，同閨密聚餐或約會都合適。
三川居酒屋（銅鑼灣） 精選刺身 5折
圖：食日本菜點少得刺身呢！銅鑼灣一間仿沖繩草屋設計嘅居酒屋推出刺身優惠，來自日本嘅生蠔、大拖羅、中拖羅、赤身同海膽都有半價，嗌多幾份都唔怕傷荷包，配埋香口嘅姿燒日本魷魚筒、日式牛肉鍋等熱食，聚餐自然更盡興啦～
5折訂座優惠：（按此）
居酒屋·姫（尖沙咀） 正價單點菜式 6折
圖：尖沙咀一間注入現代元素嘅居酒屋，以動漫模型裝飾店面，加上菜餚擺盤精緻，環境同食物都好啱打卡。如果鍾意傳統風味，有松葉蟹肉釜飯、天婦羅大蝦卷等選擇；另外自家製一夜干、燒鳥等佐酒料理則啱晒鍾意飲返兩杯嘅朋友仔。
6折訂座優惠：（按此）
更多網上訂座優惠餐廳：（按此）
