本月優惠大集合！38折法式下午茶 / 台式火鍋半價

出街食飯點先最抵？即刻跟實每月至抵優惠book枱食飯或外賣自取，就可以擸盡著數啦！

嚟到2月份下半個月，唔少餐廳都有繼續推出外賣自取優惠帶畀大家，等大家可以買返屋企慢慢嘆！今期有日式Cafe、西式餐廳、台灣雞排外賣店、日式拉麵居酒屋同台式滷水專門店～

山下菓子（荃灣、北角、旺角）指定食品8折

經常同唔同卡通人物合作嘅日式cafe，今期就係超可愛嘅角落生物！好似呢個角落小夥伴™窩夫配朱古力雪糕，窩夫充滿蛋香又唔太甜，配埋雪糕食就更豐富，而且角落生物主題真係好啱打卡。另外貓・富士山法式多士配海鹽雪糕都值得一試，甜甜嘅法式多士配上海鹽雪糕，味道層次又唔同啲。最啱買返屋企做甜品送畀屋企人做驚喜啦～溫馨提示優惠只係去到3月7號～

HAND3AG（觀塘、中環、旺角）指定食品8折

主打鐵板三文治、意粉同燉飯嘅西式餐廳，食物有誠意得嚟價錢又經濟，幾適合上班族lunch食！大推芝士龍蝦汁通心粉，龍蝦汁味道好香濃，然後成個面層都鋪滿芝士，一挖起係滿滿嘅芝士拉絲。如果仲未滿足嘅，仲有雙重芝士通心粉呀。日本溫泉番鮮蝦番茄芝士燉飯都唔錯，濃郁得嚟加埋番茄就清新啲，加埋流心蛋無得輸！

2派克雞排（紅磡）指定食品8折

即叫即炸嘅人氣台灣雞排外賣店，主打雞排同各式台式炸物。推介脆皮無骨雞塊，炸皮香脆而且一啲都唔油，一入口勁juicy，啱啱好一啖一粒。脆皮雞全翼一樣咁脆身，但肉質就更嫩滑。另外其他炸物如脆皮杏鮑菇、百頁豆腐及金菇酥都一樣咁出色。

三代目（北角、荃灣）指定食品8折

又點少得日本菜呢！來自日本嘅日式拉麵居酒屋，除咗拉麵外仲供應好多唔同嘅日式料理。如人氣一口燒牛丼，入口軟腍仲好有牛香，溫泉蛋配埋牛肉醬汁送飯一流。宮崎辛稻庭香辣惹味，烏冬又彈牙，啱晒想食開胃嘢嘅朋友。

而打淥滷汁拌粉（青衣、將軍澳）指定食品8折

台式滷水專門店，主要供應各式滷味、麻辣燙、涼拌菜及拌麵等。好似呢個麻辣開運豬腳拌麵，入口麻勁強烈但唔算太辣，豬腳都好厚肉皮又軟彈。胡麻醬撈起手撕雞冷麵就麻醬香氣好濃，但食落又唔會感覺膩，有時無咩胃口食冷麵就啱～

買開外賣嘅可用呢個開運好滋味優惠，輸入優惠碼「HALF」或「LUCKY」，前者消費滿$60減$30，後者消費滿$50，額外減$10！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！仲等？(按此立即落單)

外賣自取大激賞優惠:

LUCKY: https://www.openrice.com/info/takeaway/tc-LUCKY.html

HALF: https://www.openrice.com/info/takeaway/tc-WARM.html

一年一度嘅情人節又到喇！如果想慶祝又唔想出去同人迫，其實買外賣返屋企慢慢食都幾浪漫呀，又可以自己佈置屋企～以下呢幾間餐廳都喺情人節期間推出外賣自取優惠，好似法式Crepe專門店、西式咖啡店同意大利菜等，睇下邊間你嘅伴侶會鍾意！

Crêpe Delicious (Urban Cafe) (上環、旺角、灣仔) 指定食品8折

來自加拿大嘅過江龍法式可麗餅專門店品牌，班戟漿更直接由加拿大進口。每份班戟即點即做，餅皮微厚帶韌性，蛋味香濃，餡料豐富。甜嘅口味推介焦蘋肉桂甜薄餅，可麗餅配上用焦糖輕煮嘅蘋果、雲呢拿吉士及焦糖核桃，上層再加多三塊新鮮蘋果，甜而不膩。鹹嘅推薦黑松露炒滑蛋，黑松露香氣都幾突出，成個口感同味道都好和諧。

HIKARI (荃灣) 指定食品8折

呢間西式咖啡店嘅餐點都好有誠意，前菜方面四款配料吐司幾精緻，自由選擇酸種麵包上嘅Toppings，如生薑燒豚肉、慢煮安格斯牛板腱、鰻魚片同鴨肝慕絲醬都唔錯～另外仲有北海道刺身級帶子白松露意大利飯，帶子大粒彈牙又鮮味；波士頓龍蝦肉芝士忌廉馬鈴薯丸子粉就好香濃，丸子粉又有咬口，配埋啖啖龍蝦肉真係好正！

意粉狂熱PASTAHOLIC (旺角、紅磡、屯門) 全單9折

想價錢經濟啲嘅，可以考慮吓呢間意粉做主打嘅餐廳，佢哋嘅2人套餐(折扣後低至$160.2)包括兩碗湯、一份小食、一個薄餅、一款意粉及兩杯飲品。人氣菜式有精選海鮮蒜香蕃茄意粉利用蒜味帶出精選海鮮的鮮甜美味, 為味蕾帶來深層次的衝擊。而瑪格麗特pizza配新鮮水牛芝士，簡簡單單嘅番茄醬、羅勒配水牛芝士，清新又好味。對無飯家庭嚟講係唔錯嘅選擇。

Ask For Alonzo (大坑、上環、鰂魚涌、跑馬地) 指定食品72折

由意大利創辦人Alonzo主理嘅小餐館，菜式都好正宗㗎～好似卡邦尼意粉就係傳統製法，選用意大利頂級小麥意粉，配上 Alonzo 親自到意大利選購嘅羅馬醃豬頰肉（guanciale pork）所製成嘅煙肉碎，口感香脆味道鹹香。每條麵條都掛滿醬汁。另外仲有蒜蓉白酒蜆肉意粉，加入白酒、檸檬、辣椒及香芹製成，蒜香同酒香都好濃厚～

Dough Bros Pizza & Doughnuts (全線分店) 全單9折

主打酸種薄餅同爆漿冬甩嘅店舖，Pizza 全人手製作，所以口感特別煙韌，而且麥味都幾突出，食落無普通 Pizza 咁滯。口味推介蒜香白酒奶油蝦肉薄餅，呢個口味通常都配意粉，估唔到放上薄餅都咁出色～另外仲有紅絲絨爆漿冬甩，餡料係奶油芝士，奶油味勁香，邪惡都要食呀～ Pesto Arancini Balls 都值得一試，炸咗嘅飯波內加入蒜香松子青醬同芝士，食落香脆又唔油膩。

情人節期間可用呢個外賣自取情人節優惠，輸入優惠碼「LOVEU」，消費滿$200減全單8折。另外仲有Mastercard 「星期三及星期五驚喜優惠」，消費滿$80，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！仲等？(按此立即落單)

優惠條款及細則：
情人節優惠: https://www.openrice.com/info/vday-2023/takeaway.html
Mastercard 「星期三及星期五驚喜優惠」: https://www.openrice.com/info/campaign/2023/mastercard/tasxvoucher/index.html

早訂早享受！除咗一早保證有位之外，仲可以有額外訂座優惠！今個月為大家精選咗幾間激抵餐廳同大家分享，日、台料理甚至印度餐都有。睇啱，撳個掣就可以訂座啦~

老鍋台式火鍋 (銅鑼灣) 單點餐牌半價

圖：foodie illustrator、Shipnoppa

湯底係一個邊爐嘅靈魂，呢間台式火鍋店嘅湯底用料新鮮，製作用心。麻辣鍋會用上多種香料同藥材；美人鍋同養生鍋都係女生必點，前者有原隻烏雞同桃膠，後者則有人參同多款名貴藥材。火鍋食材選擇都有好多，有唔少更係台灣特產例如台灣蒜香腸、台灣水蓮同炸臭豆腐等。

訂座優惠：(按此)

貝‧料理 (旺角) 全單5折

圖：餐廳

以貝類料理為主題嘅日式鐵板燒餐廳，磯煮南非鮑魚、鐵板燒櫻花蝦廣島蠔等全部都好鮮甜，仲好juicy。湯品當然都係以貝類煮啦，季節貝清湯又係啖啖清甜。各位海鮮控唔好錯過2月限定嘅訂座全單5折優惠呀。

5折訂座優惠：(按此)

Maikhana (尖沙咀) 指定日期全單65折

圖：kllk_lkkl、肥dodo

由印度人主理嘅印度菜酒吧餐廳，成個環境都充滿民族風格，入到去直情有種去咗旅行嘅錯覺。今個2月訂座指定日期即可享全單65折優惠，推介呢度嘅Indian BBQ Chicken Tikka，滿滿印度香料，香辣濃味但唔會過鹹，雞肉就算係雞胸位置都好滑。Margherita Pizza雖然睇落冇乜料，但淨係厚厚嘅芝士已經足夠令芝士控有滿足嘅感覺。

65折訂座優惠：(按此)

和牛88 (銅鑼灣) 單點餐牌正價65折

圖：foodiett、RiceComeOpenMouth

嚟自沖繩嘅石垣牛專門店，啱晒成班牛魔王過嚟聚聚。Menu上有多款牛肉料理選擇，不論刺身、燒牛定壽喜燒等都有得揀，而視覺效果最強嘅一定係火焰牛扒，即席喺客人面前點火架，記得ready定個鏡頭。和牛鬆軟，肉香突出。而家訂座可享單點65折優惠，不過就要每人都叫一杯飲品先可以享用著數。佢哋啲飲品都好有特色，特別係有牛牛造型嘅呢幾款特飲，好cute。

65折訂座優惠：(按此)

劉一手重慶火鍋 (尖沙咀) 午市火鍋半自助餐 4人同行1人免費

圖：Cherrie.siulan、leungmeikwan